قازگيدرومەت: 6-قاراشا كۇنگى اۋا رايى بولجامى

قاراشانىڭ 6 سى كۇنى قازاقستاننىڭ باسىم بولىگىنە انتيتسيكلون اسەر ەتىپ جاتقاندىقتان، كۇن ءالى دە بولسا جاۋىن-شاشىنسىز بولادى.

تەك، ەلىمىزدىڭ سولتۇستىگى، باتىسى جانە وڭتۇستىك- باتىسىندا تسيكلون جىراسىنىڭ اسەرىنەن كەي جەرلەردە جاۋىن جاۋادى.

رەسپۋبليكانىڭ كەي جەرلەرىندە تۇمان ءتۇسىپ، جەل كۇشەيىپ، سولتۇستىگىندە كوكتايعاق بولادى.

قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولىپ، كۇندىز جەل سەكۋدىنا 15-20 مەترگە دەيىن كۇشەيەدى.

شىعىس قازاقستان، پاۆلودار وبلىستارىنىڭ تۇندە جانە تاڭەرتەڭ كەي جەرلەرىندە تۇمان ءتۇسىپ، پاۆلودار وبلىسىنىڭ كەي جەرلەرىندە كوكتايعاق بولادى.

اقمولا، تۇندە جامبىل وبلىستارىنىڭ كەي جەرلەرىندە جەل سەكۋندىنا 15-20 مەتر جىلدامدىقپەن ەسەدى.

الماتى وبلىسىنىڭ كۇندىز جالاڭاشكول اۋدانىندا جەل 15-20 م/س- قا دەيىن كۇشەيەدى.

باتىس قازاقستان، تۇندە اقتوبە وبلىستارىنىڭ كەي جەرلەرىندە، اتىراۋ وبلىسىنىڭ باتىسىندا تۇمان تۇسەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى