ورمان ورتىنەن 6 ادام مەرت بولدى

سان-فرانسيسكو شىعاناعى ايماعى ورتەنىپ جاتىر. 200 مىڭنان استام ادام ۇيلەرىن تاستاپ كەتۋگە ءماجبۇر بولعان، دەپ حابارلايدى قازاقپارات اگەنتتىگىنە سىلتەمە جاساپ.

«ءورت ءارتۇرلى باعىتتا تارالۋدا جانە بىرنەشە ەلدى مەكەنگە تاراعان»، - دەپ حابارلادى LNU Lightning Complex دەپ اتالاتىن ەڭ ءىرى ءورت تۋرالى كاليفورنيانىڭ ورمان شارۋاشىلىعى جانە ورتتەن قورعاۋ دەپارتامەنتى.

سوڭعى اپتادا كاليفورنيانىڭ سولتۇستىگى مەن ورتالىعىندا نايزاعاي تۇسكەن سوڭ تۇتانعان ءورت كەم دەگەندە التى ادامنىڭ ءومىرىن قيدى. 700 گە جۋىق ءۇي مەن باسقا دا عيماراتتاردى قيراتقان. جالپى العاندا، ءورت سالدارىنان شامامەن ءبىر ميلليون اكر جەر جانىپ كەتتى. ءورت ناپا، سونوما، لەيك، جولو جانە سولانو وكرۋگتەرىندەگى شامامەن 340000 اكر (1 اكر - 0,4 گەكتار) اۋماقتى قامتىعان. قازىرگى ۋاقىتتا بۇل امەريكالىق شتات تاريحىنداعى ەكىنشى ءىرى تابيعي ءورت جانە جەكسەنبى كۇنى تۇستەن كەيىن تەك %17 ى عانا ءوشىرىلدى. وڭتۇستىك باعىتتاعى SCU Lightning Complex دەپ اتالاتىن ءورت 339 000 اكر اۋماققا تارالدى.

سەنبىدە ا ق ش پرەزيدەنتى دونالد ترامپ ءورتتى ءىرى تابيعات اپاتى دەپ جاريالادى، جەتى اۋداندا ورتتەن زارداپ شەككەن تۇرعىندار مەن كاسىپورىندارعا ۋاقىتشا باسپانا مەن جوندەۋ اقىسىن تولەۋگە كومەكتەسۋ ءۇشىن فەدەرالدى قاراجات ءبولۋدى بۇيىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى