الماتى وبلىسىندا ءبىر ءۇيدىڭ 6 ادامى كوروناۆيرۋس جۇقتىرعان
ولاردىڭ التاۋى - 63, 40, 33, 19 جاستاعى ءتورت ەرەسەك جانە 7, 4 جاستاعى ەكى بالا ەڭبەكشىقازاق اۋدانى شەلەك اۋىلىنىڭ تۇرعىندارى. ولاردىڭ ءبارى دە - بۇعان دەيىن اۋىرعان 1939 -جىلى تۋعان ازاماتپەن ءبىر ۇيدە تۇرعاندار. بۇل 6 ادام شەلەك اۋىلىنداعى اۋداندىق اۋرۋحانانىڭ ينفەكتسيالىق بولىمىنە جاتقىزىلدى. COVID-19 ينفەكتسياسىمەن اۋىرعانداردىڭ تاعى بىرەۋى ىلە اۋدانىندا تىركەلدى. تالعار اۋدانىنىڭ 1994 -جىلى تۋعان تۇرعىنى دياگنوزى انىقتالعاننان كەيىن قاراساي اۋداندىق ورتالىق اۋرۋحانانىڭ ينفەكتسيالىق بولىمىنە جاتقىزىلدى. ول بۇعان دەيىن اۋىرعان پاتسيەنتپەن بايلانىستا بولعان. جۇمىس بارىسىندا 25 اداممەن قارىم- قاتىناس جاساعان. ولاردىڭ بارلىعى دارىگەرلەردىڭ باقىلاۋىندا. جالپى 22 - ءساۋىر كۇنگى ساعات 15.00 دەگى جاعداي بويىنشا الماتى وبلىسىندا كوروناۆيرۋسپەن اۋىرعاندار سانى 62 گە جەتتى، 9 ادام جازىلىپ شىقتى.
