كورەيادا كوروناۆيرۋس جۇقتىرعاندار سانى 6 مىڭنان استى

ەلدەگى اۋرۋ جۇقتىرعانداردىڭ جالپى سانى 6284 ادامعا جەتتى، دەپ حابارلايدى قازاقپارات Yonhap اگەنتتىگىنە سىلتەمە جاساپ.

ۆيرۋس جۇقتىرعان جاڭا جاعدايلاردىڭ كوپشىلىگى ۆيرۋس وشاعىنا اينالعان ەلدىڭ وڭتۇستىك-شىعىسىنداعى تەگۋ قالاسى مەن سولتۇستىك كەنساندو پرۆينتسياسىندا انىقتالعان.

كورەي اۋرۋلاردى باقىلاۋ جانە الدىن الۋ ورتالىعىنىڭ (KCDC) مالىمەتىنە سايكەس، وڭتۇستىك كورەيادا وتكەن جىلدىڭ سوڭىندا قىتايدا پايدا بولعان جاڭا ۆيرۋستان 42 ادام كوز جۇمعان. ولار نەگىزىنەن سوزىلمالى اۋرۋلارى بار ەگدە جاستاعى ناۋقاستار.

راستالعان جاعدايلاردىڭ 60 پايىزعا جۋىعى 2,5 ميلليون حالىق تۇراتىن، ۇلكەندىگى جونىنەن ەلدىڭ ءتورتىنشى قالاسى تەگۋداعى سينچحوندجي (Shincheonji) ءدىني سەكتاسىنىڭ فيليالىمەن بايلانىستى.

بيلىك قالاداعى ۆيرۋستىڭ تارالۋ دەڭگەيىنىڭ ارتۋىنا الاڭداۋلى. مەكديتسينالىق مەكەمەلەر تەگۋدە ازاماتتاردى تەكسەرۋدەن وتكىزۋدى باستادى.

كورەي اۋرۋلاردى باقىلاۋ جانە الدىن الۋ ورتالىعىنىڭ مالىمەتىنشە، بەيسەنبى كۇنى انىقتالعان 518 جاڭا جاعدايدىڭ 367 ءسى تەگۋدا، 123 ءى كورشىلەس سولتۇستىك كەنساندو پروۆينتسياسىندا تىركەلگەن.

سونداي-اق، سەۋلدە ۆيرۋس جۇقتىرعان تاعى ەكى جاعداي تۋرالى حابارلاندى.

سوڭعى مالىمەتتەر بويىنشا، 100 ەل مەن اۋماق كوروناۆيرۋستىڭ تارالۋ قاۋپىنە بايلانىستى وڭتۇستىك كورەيا تۇرعىندارى ءۇشىن كارانتين رەجيمىن كۇشەيتۋدى نەمەسە كىرۋگە شەكتەۋ ەنگىزۋدى جوسپارلاپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى