بالمۇزداق جايلى قىزىقتى 6 دەرەك
بالمۇزداق ءبىزدىڭ زامانىمىزدىڭ I عاسىرىندا پايدا بولعان
الايدا، ول قازىرگى ءبىز بىلەتىن بالمۇزداققا ۇقسامايتىن. ريمدىك يمپەراتور نەرون قار اكەلۋ ءۇشىن قىزمەتشىلەرىن تاۋعا جۇمسايتىن بولعان: سودان سوڭ قاردى جەمىستەر شىرىنىمەن ارالاستىرعان. ال ونىڭ قازىرگى ءسۇتتى بالمۇزداققا ۇقسايتىن ءتۇرى XVII عاسىردا فرانسيادا پايدا بولعان.
بالمۇزداق ۇزاق ۋاقىت بويى تاڭداۋلىلاردىڭ دەسەرتى بولعان
XIX عاسىردىڭ باسىنا دەيىن بالمۇزداق تەك قىمبات مەيرامحانالاردا ۇسىنىلعان جانە باي وتباسىلاردا بولعان. بالمۇزداق تەك XIX عاسىردىڭ ورتاسىندا جالپى ساتىلىمعا شىققان: شۆەتسيادان كەلگەن ەميگرانت بالمۇزداقتى لوندون كوشەلەرىندە تۇرىپ ساتادى. ول بالمۇزداق ەرىمەس ءۇشىن قولدان جاسالعان توڭازىتقىش (ءىشى مۇزبەن تولتىرىلعان مەتالل جاشىك) قولدانعان.
ۆافەلدى روجوكتى ىدىسقا شىعىندالماس ءۇشىن ويلاپ تاپقان
ۆافەلدى روجوك - سالىستىرمالى تۇردە زاماناۋي ونەرتابىس. ونى 1904 -جىلى ۆافەلدى دەسەرت ساتۋشى ەرنەست حامۆي سەنت- لۋيستاعى (ا ق ش) اسپازدىق كورمەدە ويلاپ تاپقان. ول كەزدە بالمۇزداقتى ىدىسقا قۇيىپ ساتادى، سودان سوڭ تۇتىنۋشى ىدىستى قايتارىپ بەرەدى. ول ىدىس جۋىلىپ، كەلەسى ادامعا بالمۇزداق قۇيىلىپ بەرىلەتىن. كورمە كەزىندە كۇن قاتتى ىستىق بولعاندىقتان، بالمۇزداق الۋشىلار وتە كوپ بولادى. ادامدار ىدىستاردىڭ بوساعانىن ۇزاق كۇتەدى. ونى بايقاعان ەرنەست حامۆي بالمۇزداق دايىنداۋشىلارعا جىڭىشكە ۆافليانى وراپ، ىدىس جاساپ بەرەدى. سودان سوڭ ۆافەلدى روجوكتار تەك ا ق ش- تا ەمەس، بۇكىل الەمگە كەڭىنەن تاراپ كەتەدى.
قازىر بالمۇزداق ءدامىنىڭ 1000 نان اسا ءتۇرى بار
الەم بويىنشا بالمۇزداق جاساۋشىلار ۇنەمى ونىڭ جاڭا ەرەكشە رەتسەپتىلەرىن ىزدەيدى. ولار جىل سايىن ونىڭ وتە ءتاتتى تۇرلەرىن ويلاپ تابۋدا. قازىر بالمۇزداقتىڭ، ءتىپتى، كۇرىش، اسشايان، لوبستەر، اۆوكادو، ىرىمشىك جانە ت. ب ءدامى بار ءتۇرىن كەزدەستىرۋگە بولادى.
الەمدە جىل سايىن 15 ميلليارد ليتر بالمۇزداق جەلىنەدى
بۇل مولشەر 5000 وليمپيادالىق باسسەيندى تولتىرۋعا جەتەدى.
عارىشكەرلەر بالمۇزداقتى قاتتى ساعىنادى ەكەن
بىردە NASA عارىشكەرلەرگە «جەردەن» نەنى ساعىناتىنىن سۇراپ، ساۋالناما جۇرگىزەدى. كوسموستاعى ەڭ ساعىناتىن تاماققا پيتستسا، گازدالعان سۋسىن جانە بالمۇزداق جاتقان. ال قۇرعاق قاتىرۋ ارقىلى دايىندالاتىن «عارىشكەر بالمۇزداعىن» ولار كوسموستا ەشقاشان جەپ كورمەگەن بولىپ شىقتى.
