پاۆلوداردا 6 بالا تاماقتان ۋلانىپ قالدى
بۇل تۋرالى وبلىستىق ءبىلىم بەرۋ باسقارماسىنىڭ باسشىسى ءدىنيسلام بولاتحان ۇلى ءوزىنىڭ facebook جەلىسىندەگى پاراقشاسىندا جازدى.
«بىردەن ايتا كەتەيىن، جاعداي مەنىڭ جەكە باقىلاۋىمدا. وقيعانىڭ ءمان-جايى انىقتالاتىن بولادى»، - دەپ جازدى ءدىنيسلام بولاتحان ۇلى.
قازىر وقيعا ورنىندا پاۆلودار ءبىلىم بەرۋ ءبولىمىنىڭ جانە قوعامدىق دەنساۋلىقتى باقىلاۋ ورگانىنىڭ وكىلدەرى جۇمىس جاساۋدا. جاقىن ارادا تەكسەرۋ ناتيجەلەرى دايىن بولادى. باسقارما باسشىسى بالالاردىڭ اتا-اناسىنان كەشىرىم سۇرادى. - ءبىلىم ورداسىنداعى وقيعا ءبىزدىڭ كىنامىزدەن ورىن الماسا دا، جاۋاپكەرشىلىكتى سەزىنىپ، دەنساۋلىقتارىنا قاۋىپ تونگەن بالالاردىڭ اتا-اناسىنان ۇلكەن كەشىرىم سۇرايمىن. قازىرگى ۋاقىتتا بەس بالا ەمحانادا، ءبىر بالا ۇيىندە ەم قابىلداۋدا. دارىگەرلەر بالالاردىڭ جاعدايى قاناعاتتانارلىقتاي ەكەندىگىن حابارلادى. تاعى دا اتاپ وتەيىن، بالالاردىڭ دەنساۋلىعى - ەڭ ماڭىزدىسى! ولاردىڭ تەزىرەك جازىلىپ كەتۋىن تىلەيمىز»، - دەپ اتاپ وتكەن وبلىستىق ءبىلىم بەرۋ باسقارماسىنىڭ باسشىسى.
ءدىنيسلام بولاتحان ۇلىنىڭ ايتۋىنشا، جاعداي انىقتالۋدا. اسحانانى جالعا الۋشىنىڭ ارەكەتى تەكسەرىلىپ جاتىر. شەشىم سانەپيدەميولوگتاردىڭ رەسمي قورىتىندىسىنان كەيىن شىعادى.
