ءوزىمدى تانىماي قالدىم: باعلان ءابدىرايىموۆ 6 جىل بويى بالا سۇيە الماۋىنا جىندار كەدەرگى بولعانىن ايتتى
ءوز سوزىندە ءانشى شاريعات جولىمەن ەمدەلگەننەن كەيىن وسىنداي قۋانىشقا كەنەلگەنىن جاسىرمادى.
بۇل تۋرالى «جىگىتتەر» توبىنىڭ ءانشىسى جۋرناليست امان تاسىعاننىڭ TalkLike باعدارلاماسىندا ايتىپ بەردى.
باعلان ءابدىرايىموۆتىڭ ايتۋىنشا، ول 3 جىل بويى ءبىرتۇرلى ءومىر سۇرگەن. ءار نارسەدەن قورقىپ، بويىن ۇنەمى ۇرەي بيلەگەن ەكەن.
« ءبىر جارىم جىل اۋىردىم. بويىمدى قورقىنىش سەزىمى بيلەپ الدى. ەكى قادام جاساۋعا قورقاتىنمىن. ۇشاققا وتىرسام دا، قۋانسام دا، ءبىر جاققا بارىپ كەلسەم دە قوقىنىش بويىمنان كەتپەدى. تاڭەرتەڭ تۇرىپ، ءتىسىمدى جۋۋ كەرەك دەگەن ميعا سيگنال بارعان كەزدە ۇرەي قايتادان باستالادى. «جىن ۇراتىن شىعار» دەپ ويلادىم. بارماعان اۋرۋحانام جوق. الماعان ەم جوق. الماتى قالاسىنداعى پسيحياتريالىق اۋرۋحاناعا دا باردىم. سول جەردىڭ مەڭگەرۋشىسىمەن سويلەسىپ، ءبارىن ايتىپ بەردىم. قىمبات- قىمبات ەكى ءدارى بەردى. ونى ەكى كۇن ءىشتىم. وسىمدىك سياقتى بولىپ قالادى ەكەنسىڭ. سودان باسىلعان جوق. ءوزىمدى تانىماي قالدىم. مەڭىرەۋ سياقتى ءجۇردىم. ... سودان كەيىن سول دارىلەردى لاقتىرىپ جىبەردىم. بۇنىڭ ەمى ءدارى ەمەس. سودان دەم سالاتىن كىسىلەر بار، باسقاسى بار ەمدەپ، وقىدى. ءسويتىپ كوزىم اشىلدى. سوندا مەنى ءبىر جارىم جىل بويى مازالاعان جىندار ەكەن» ، - دەيدى باعلان مىرزا.
ءوز سوزىندە ءانشى تۇڭعىشىنان كەيىن 6 جىل بويى ءسابيلى بولا الماۋىن تىلسىم الەممەن بايلانىستىردى. جۋرناليستىڭ: «6 جىل بويى 3 ءارىپ كەدەرگى كەلتىردى مە؟ » - دەگەن سۇراعىنا جاۋاپ بەرگەن ءابدىرايىموۆ «سولاي دەۋگە دە بولادى» دەيدى.
«شاريعات جاعىنان ەم- دوم قابىلداپ ەدىك، شيپانى قۇداي بەردى. كەلىنشەگىم بەس ۋاقىت نامازى تۇگەل جان. اللاعا دەگەن سەنىمى كۇشەيگەن كەزدە جاراتۋشىدان وسىنداي سىيلىق كەلدى. ولار (جىندار - رەد. ) بار تىرشىلىك قوي. مۇسىلمانى، مۇسىلمان ەمەستەرى بار. بىرەۋلەردىڭ وقىتىپ، ارنايى ايداپ سالاتىنى بار. وسىنداي كەدەرگىلەر، ءبىزدىڭ وتباسىنىڭ شىرقىن بۇزۋ ءۇشىن كەلگەن كەدەرگىلەردىڭ قورعانى سۇرەلەر بولىپ شىقتى» ، - دەيدى باعلان ءابدىرايىموۆ.
