قازاقستاندا 6 ميلليون گەكتاردان استام ەگىستىك القابى سيفرلاندىرىلدى
تاراتىلعان اقپاراتقا قاراعاندا، ەگىستىك القاپتارىن «سيفرلاندىرۋ» مەملەكەتتىك قولداۋ تەتىكتەرىن جەڭىلدەتىپ، بيۋروكراتيا مەن جەمقورلىق تاۋەكەلدەرىن ايتارلىقتاي قىسقارتاتىن بولادى.
«قيىندىقتار تۋىنداعانىمەن ولاردىڭ بارلىعىن دا شەشۋگە بولادى. ماسەلەن، فەرمەرلەردىڭ ءبىرى پورتالدا تىركەلگەننەن كەيىن БИН- ءىن جۇكتەۋ بارىسىندا بازاداعى ءوزىنىڭ الاڭشاسىن تابال المايدى. نە بولماسا شىنايى كولەمنىڭ جەر كاداسترىندەگى كولەمىنەن ايىرماشىلىعى بولۋى مۇمكىن. كەيبىر وڭىرلەردە اكىمدىكتەر بۇل ماسەلەلەردى ءبىر كۇننىڭ ىشىندە «جەرشىلەر» ارقىلى شەشەدى، ياعني اقپاراتتى وزەكتەندىرەدى. دەگەنمەن، فەرمەرلەر تاراپىنان جەر كاداسترىنىڭ ساپاسىنا قاتىستى شاعىمنىڭ جەتكىلىكتى ەكەنىن مويىنداۋ قاجەت. بۇعان قوسا، بۇل تەك قانا مەملەكەتتىك ۆەدومستۆولاردىڭ ەمەس، سونىمەن بىرگە فەرمەرلەردىڭ دە كىناسى. كوپشىلىگى ءتىپتى ە س ق- دا الماعان. ال ول ح ق ك و- عا جۇگىنىپ، 20-30 مينۋتتىڭ ىشىندە شەشەتىن ماسەلە. الايدا، ءبىز ءبىر- ءبىرىمىزدى كىنالاپ، كەمشىلىكتەر ىزدەۋ ءۇشىن جۇمىس ىستەمەيمىز. ءبىز اۋىل شارۋاشىلىعىمىزدى بارىنشا ءتيىمدى، اگروونەركاسىپ كەشەنىنە مەملەكەتتىك قولداۋ جۇيەسىن بارىنشا اشىق، ينۆەستورلار ءۇشىن تارتىمدى جاساۋ ءۇشىن جۇمىس ىستەيمىز»، - دەدى اتالعان ورتالىقتىڭ باس مامانى ازامات قۇرمانوۆ.
سونىمەن قاتار تاراتىلعان مالىمەتتە، باتىس قازاقستان وبلىسىنىڭ ەگىستىك القابىنىڭ 50 پايىزى سيفرلاندىرىلعاندىعى ايتىلعان. ودان كەيىنگى ورىندا قوستاناي وبلىسى تۇر. بۇل ءوڭىردىڭ فەرمەرلەرى 1962196 گەكتار القاپتى بازاعا ەنگىزگەن. ال سولتۇستىك قازاقستان وبلىسى فەرمەرلەرىنىڭ بازاعا ەنگىزگەن ەگىستىك القابى مۇنان 40 مىڭ گەكتارعا كەم. دەگەنمەن بازاداعى سيفر مينۋت سايىن وزگەرىپ وتىراتىندىعىن دا ەسكەرگەن ءجون.
اۆتور: مارلان جيەمباي
