بالانىڭ مىنەز-قۇلقىنداعى ەلەمەۋگە بولمايتىن 6 بەلگى
كەيدە ولار بارىنشا كۇردەلى بولۋى دا ىقتيمال.
ورتاشا ەسەپپەن العاندا وقۋشىلاردىڭ 10 پايىزى جەڭىل-جەلپى اۋىتقۋدان باستاپ، ايتارلىقتاي پروبلەمالىق پسيحولوگيالىق ءتۇرلى قىنجىلىسقا تاپ بولىپ جاتادى. بۇل ءاربىر سىنىپتا شامامەن ءۇش ادامنان دەگەن ءسوز. كەيدە بۇل ادەتتەگى جاس ەرەكشەلىكتەرىنە قاتىستى بولىپ، ۋاقىت وتە قالىپقا ءتۇسىپ جاتادى. دەگەنمەن، وسىناۋ الاڭداتارلىق جايتتارعا كەيدە نازار اۋدارماسا تاعى دا بولمايدى.
قالاي بولعاندا دا ءسىزدىڭ كورەگەندىلىگىڭىز، يبالىلىعىڭىزبەن قاتار نەمەن بەتپە- بەت كەلىپ وتىرعانىڭىزدى جان- جاقتى ءتۇسىنۋ ءۇشىن مامان كومەگىنە جۇگىنۋ دە اسا قاجەت.
نازار اۋدارۋ قاجەت بەلگىلەر مىنالار:
1. كوڭىل- كۇيدىڭ وزگەرىسكە ۇشىراۋى
بالا كىرپيازدىعى وتە دۇرىس تا، ول كۇننەن كۇنگە اۋىسىپ وتىرادى. ءبىراق، ەگەر بالا ۇنەمى جابىرقاۋلى نەمەسە الاڭداۋلى بولسا، ۇزاق ۋاقىت بىردەڭەدەن قورىقسا، وندا بۇل ءمان-جايدى انىقتاۋدى قاجەت ەتەتىن سەبەپ. كەيدە سەبەپ ونىڭ مەكتەپتەگى قورشاعان ورتاسىنان دا شىعىپ جاتادى جانە بۇل باستى پروبلەمانى انىقتاۋ ارقىلى شەشۋگە بولادى.
2. ۇيقىنىڭ بۇزىلۋى
ۇيقىمەن بايلانىستى پروبلەمالار بالالار مەن جاسوسپىرىمدەر اراسىندا جاس وزگەرىستەرىنە بايلانىستى كەڭىنەن تاراعان. دەگەنمەن، باسقا دا بەلگىلەرى بار ۇزاققا سوزىلعان ۇيقىسىزدىق الاڭداۋشىلىق تۋدىرۋى ءتيىس.
3. جيناقى بولۋعا قابىلەتسىزدىك
تومەنگى سىنىپتا وقيتىن ەلگەزەك بالادان جيناقى بولۋدى تالاپ ەتۋ مۇمكىن ەمەس. الايدا ول ءتىپتى ۇيدە دە قىسقا ۋاقىتتا ءارى جايلى جاعدايدا ءۇي تاپسىرماسىن ورىنداۋعا جيناقىلىق تانىتۋعا قابىلەتسىز بولسا، وندا مۇنداي جايتقا دا نازار اۋدارعان ءجون. ايتا كەتەرلىگى، مۇنداي كەزدە جازالاۋ نەمەسە ۇرىسۋدىڭ ەش پايداسى جوق.
4. تابەتىنىڭ بۇزىلۋى
بىردەن سالماق جوعالتۋ نەمەسە تەز ارادا سالماق قوسۋ بالانىڭ اس قورىتۋ جۇيەسىنىڭ بۇزىلۋىن ءبىلدىرۋى مۇمكىن. مەكتەپ اسحاناسىنداعى ءدامسىز تاماقتان باستاپ كۇيزەلىستىڭ ءوزى تابەتكە قاتتى اسەر ەتەدى.
5. وزىنە زيان كەلتىرۋگە نيەتتىڭ بولۋى
ءوزىن ءوزى شىمشىلاۋ، تىرناقتارىن تىستەۋ، ەرنىن جىمقىرۋ، ءتىپتى ەركىنەن تىس كىشى دارەتكە وتىرىپ قويۋ - مۇنىڭ بارلىعى دا ءوز- وزىنە زيان كەلتىرۋ تۇرلەرى. بالانىڭ ءدال وسىنداي جۇيكە مىنەز- قۇلقىنا تۇرتكى بولاتىن سەبەپتى انىقتاۋ قاجەت.
6. زاتتاردى اسىرا پايدالانۋ
اڭگىمە كىشكەنتاي بالالاردان گورى جاسوسپىرىمدەر جايىندا بولىپ وتىر، دەگەنمەن ولاردىڭ اراسىندا دا كەزدەسىپ جاتادى. ەكسپەريمەنت ەسەيۋدىڭ بەلگىسى بولۋى مۇمكىن. ءبىراق، جۇيكەنىڭ بۇزىلۋى مەن اسىرا پايدالانۋ ءار ۋاقىتتا دا قاتار جۇرەدى.
ەگەردە جاس ءوسپىرىم بالاڭىز ەسىرتكى زاتىن پايدالانباسا دا ونىڭ ىشىمدىككە، تەمەكى مەن دارىلىك زاتتار قارىم-قاتىناسىنا نازار اۋدارىڭىز.
نە ىستەۋ كەرەك؟
1. بالامەن اشىق، دوستىق پەيىلدە جانە جاعدايىن تۇسىنە وتىرىپ سويلەسىڭىز. مۇقيات، ءسوزىن بولمەي تىڭداڭىز جانە داۋلاسپاڭىز. ەش ۋاقىتتا دا ونىڭ پروبلەماسىنىڭ تۇككە تۇرمايتىندىعىن ايتىپ، تۇسىندىرۋگە تىرىسپاڭىز. ول ءۇشىن اتالعان پروبلەمالار ۇلكەن كورىنەدى. وعان قۇرمەتپەن قاراڭىز.
2. ءسىزدىڭ دە، بالانىڭ دا كوڭىلىنەن شىعاتىن پروبلەمانى شەشۋدىڭ جولىن بىرگە تاڭداڭىز. ءيا، بالانى باسقا مەكتەپكە اۋىستىرۋدىڭ اۋرەسى كوپ بولۋى، ال مەكتەپ بۇزاقىلارىمەن نەمەسە مۇعالىمدەرمەن پروبلەمانى شەشۋگە تىرىسۋ شاما جەتپەس جۇمىس كورىنۋى مۇمكىن. ءبىراق، ول ءسىزدىڭ بالاڭىز جانە ول سىزدەن باسقا ەشكىمنەن دە كومەك سۇراي المايدى.
3. بالاڭىزعا بەرگەن ۋادەنى مىندەتتى تۇردە ورىنداڭىز.
4. ەگەر وسىدان كەيىن دە بالانىڭ جاعدايى جاقسارماسا، وندا ماماننىڭ كومەگىنە جۇگىنۋ قاجەت.
5. ەگەر ءوزىن الاڭداتاتىن جايتتى ءتۇسىندىرىپ بەرۋگە قينالاتىن بولسا، وندا مامان كومەگىن الۋ كەرەك.
6. قالاي بولعاندا دا تانىستارىڭىز كەڭەس بەرگەن نە بولماسا ءوزىڭىز عالامتوردان تاۋىپ العان ءدارى-دارمەكتى قولدانباڭىز. دارىگەر تاعايىنداعان بارلىق ەم شارالارىن ەكى تاراپتىڭ ماماندارىنان تەكسەرتىپ الىڭىز.
دەرەككوزى: .goodhouse.ru
