رەسەيدىڭ ورتالىق سايلاۋ كوميسسياسىنا زاڭبۇزۋشىلىقتار تۋرالى 6 مىڭنان استام شاعىم ءتۇستى

بۇل تۋرالى ر ف ورتالىق سايلاۋ كوميسسياسىنىڭ باسشىسى ەللا پامفيلوۆا ءمالىم ەتتى، دەپ حابارلايدى «قازاقپارات» ح ا ا- ءنىڭ مەنشىكتى ءتىلشىسى.

«بۇگىنگى تاڭعا سايلاۋ كوميسسيالارىنىڭ كەمشىلىكتەرىنە، سايلاۋ پروتسەسىنىڭ بۇزىلۋىنا بايلانىستى سايلاۋشىلاردان 6 مىڭ 366 جازباشا شاعىم ءتۇستى»، - دەدى ورتالىق سايلاۋ كوميسسياسىنىڭ باسشىسى.

ونىڭ سوزىنشە، و س ك- عا تۇسكەن 200 گە جۋىق شاعىمدار قاراۋ ءۇشىن ر ف باس پروكۋراتۋراسىنا جولدانعان.

«200 گە جۋىق شاعىم باس پروكۋراتۋراعا جولداندى، 40 تان استامى گۋبەرناتورلارعا جىبەرىلدى. 2-3 ۋى تەرگەۋ كوميتەتىندە»، - دەدى ە. پامفيلوۆا شاعىمداردىڭ ءبىرقاتارى ىشكى ىستەر مينيسترلىگىنە جولدانعانىن قوسا ايتىپ.

ر ف ورتالىق سايلاۋ كوميسسياسى باسشىسىنىڭ ايتۋىنشا، شاعىمدار كەيبىر شتابتاردا بايقاۋشىلارعا بەرىلگەن انىقتامالاردىڭ الىنىپ قويۋىمەن بايلانىستى بولىپ وتىر. الايدا بۇل پروبلەمالار جەدەل تۇردە شەشىمىن تاپقان.

سونىمەن قاتار ول اكىمشىلىك رەسۋرستاردىڭ قولدانىلۋ مۇمكىندىگىنە بايلانىستى شاعىمدار تۇسكەندىگىن جەتكىزە كەتتى.

«قازىرگى تاڭدا ولاردىڭ سانى - 795. ولار تەكسەرىلۋدە»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى