اقتاۋدا سالماعى 6 كەلى نارەستە دۇنيەگە كەلدى

ءسابي جەتىنشى ناۋرىز كۇنى كەسار تىلىگى ارقىلى ومىرگە كەلگەن. ول پەريناتالدى ورتالىقتا جىل باسىنان بەرى ومىرگە كەلگەن ەڭ ءىرى بالا بولىپ شىقتى.

«2016 -جىلى سالماعى ءتورت كەلىدەن اساتان 864 ءسابي ومىرگە كەلدى. ونداي سالماقتاعى بالانىڭ سانى 2017 -جىلى 960 بولدى. بيىل الىپ دەنەلى 56 نارەستە كەسار تىلىگى ارقىلى ومىرگە كەلدى. بالانىڭ ءىرى بولىپ تۋىلۋى تۇقىم قۋالاۋ، انانىڭ اعزاسىنداعى زات الماسۋ ءۇردىسىنىڭ بۇزىلۋى، گەنەتيكالىق اۋىتقۋ سياقتى ءارتۇرى سەبەپتەردەن بولادى. بۇل ەشقانداي اۋرۋ تۇرىنە جاتپايدى، ءبىراق انانىڭ بوسانۋىنا كەرى اسەر ەتۋى مۇمكىن. زەرتتەۋ ناتيجەلەرىنە سۇيەنسەك، الىپ دەنەلى سابيلەردىڭ 80 پايىزى ومىرگە تابيعي جولمەن جانە ەشقانداي قيىندىق تۋدىرماي كەلەدى» ، - دەيدى اقتاۋ قالالىق پەريناتالدى ورتالىعىنىڭ ديرەكتورى عاليا بالجىگىتوۆا.

ونىڭ ايتۋىنشا، اقتاۋ قالالىق پەريناتالدى ورتالىعىندا 19 جاسار كەلىنشەك سالماعى 1,94, بويى 45 سانتيمەترلىك ەڭ كىشكەنتاي نارەستەنى دۇنيەگە اكەلگەن. نەگىزى ءسابيدىڭ ورتاشا سالماعى 3,5 - 3,5 ارالىعىندا بولۋى كەرەك. جىل باسىنان بەرى ورتالىقتا  1137 ءسابي جارىق دۇنيە ەسىگىن اشقان.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى