شىمكەنتتە كاسىپكەرلىكپەن اينالىسامىن دەۋشىلەرگە 6 پايىزبەن نەسيە بەرىلۋدە

جەرگىلىكتى كاسىپكەرلەردىڭ باسىن قوسقان جيىنعا «اتامەكەن» كاسىپكەرلەر پالاتاسىنىڭ باسشىلىعى مەن ەكىنشى دەڭگەيلى بانكتەردىڭ وكىلدەرى، سونداي- اق «ىرىس» ميكروقارجىلىق ۇيىمى جانە «دامۋ» قورىنىڭ مەنەدجەرلەرى قاتىستى، دەپ حابارلايدى قازاقپارات ءتىلشىسى. شاعىن جانە ورتا بيزنەستى قولداۋدا ماڭىزدى سانالاتىن باعدارلاما ەلىمىزدە وسى جىلدىڭ 1 - قاڭتارىنان باستاپ جۇزەگە اسىرىلۋدا. قاراپايىم ادامداردىڭ تومەن پايىزبەن جەڭىلدەتىلگەن نەسيەگە قول جەتكىزۋىن ارتتىرۋدى كوزدەيتىن باعدارلاما جيىندا جان- جاقتى ءتۇسىندىرىلدى.

 باعدارلامانىڭ جاڭالىعى سول، نەسيەلەر بار بولعانى التى پايىزبەن بەرىلەدى، ءارى بارلىق سالاعا قارجى قاراستىرىلعان. مامانداردىڭ سوزىنشە، نەسيەنى كەز كەلگەن ازامات - بيزنەسىن باستاعاندار دا، ەندى جوسپارلاعاندار دا، قالا بەردى جۇمىسسىز جۇرگەندەر دە الا الادى. ال، نەسيەنى الۋ ءۇشىن تۇرعىندارعا وڭىردەگى ەكىنشى دەڭگەيلى 6 بانككە بارىپ، قۇجات راسىمدەۋى قاجەت. كەپىلدەمەگە قوياتىن مۇلكى بولماسا، «دامۋ» قورى 85 پايىزعا دەيىن كەپىلدەمە بەرە الادى. بۇل ماقساتقا بۇگىندە وبلىسقا ەكىنشى باعىتى بويىنشا 2 ميلليارد 476 ميلليون 400 مىڭ تەڭگە اۋدارىمدار بولىنگەن. ولاردىڭ ءبارى ەكىنشى دەڭگەيلى بانكتەرگە تۇسكەن.

 

قازىردىڭ وزىندە وسى قاراجاتتار ەسەبىنەن 8 جوباعا 97 ميلليون تەڭگە بەرىلىپ وتىر. تاعى 500 ميلليون تەڭگەنىڭ جوبالارىنا قارجى بەرۋ تۋرالى شەشىم قابىلدانعان. ال، نەسيەنىڭ ماكسيمالدى سوماسى - 8000 ا ە ك نەمەسە شامامەن 18 ميلليون تەڭگەنى قۇرايدى. كەزدەسۋدە ەكىنشى دەڭگەيدەگى بانكتەر مەن «دامۋ» قورىنىڭ وكىلدەرى كرەديتتەۋدىڭ شارتتارى مەن ءتارتىبى تۋرالى تولىق اقپارات بەردى جانە كەپىلدىك الۋ سحەماسىن كورسەتتى. كاسىپكەرلەر قىزىعۋشىلىق تۋدىراتىن سۇراقتارعا جاۋاپ الدى.

 «ءبىز جىلدىڭ سوڭىنا دەيىن وسى قارجىلاردىڭ ءبولىنۋى بويىنشا ساراپتاما جۇرگىزەمىز. ءاربىر بانككە قاراجات ءبولىندى مە، جىلدىڭ سوڭىنا دەيىن قانشا جوبالار قارجىلاندىرىلدى، باسقا بانكتەر نەگە قارجىلاندىرا الماي جاتىر. سولاردىڭ پروبلەماسىن قاراپ، كەيىن ۇسىنىستى استاناعا، وسى باعدارلامانى جۇرگىزىپ جاتقان مينيسترلىككە جىبەرەمىز» ، - دەيدى و ق و «اتامەكەن» ۇلتتىق كاسىپكەرلەر پالاتاسىنىڭ ديرەكتورى اسقار ابۋباكىروۆ.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى