الماتى وبلىسىندا 6 جاستاعى بالا باۋىرىن ابايسىزدا اتىپ الدى

وبلىستىق ءى ءى د باسپا ءسوز قىزمەتىنىڭ مالىمەتىنشە، وقيعا ابايسىزدا بولعان. 6 جاستاعى ۇل بالا ويناپ وتىرىپ اڭشى مىلتىعىمەن باۋىرىن اتىپ جىبەرگەن.

 ال وق 2 جاستاعى بالانىڭ قولىنا تيگەن. ابىروي بولعاندا بالا امان. بالالاردىڭ وتباسى الماتى قالاسىندا تۇرادى. ولار اتا- اناسىمەن مىڭبايەۆ اۋىلىنا قوناققا بارعان. ال ءۇيدىڭ يەسى مىلتىقتى تاۋىپ الدىم دەپ اقتالىپتى.

 «تەكسەرۋ بارىسىندا پوليتسەيلەر اتىستىڭ تىركەلمەگەن قارۋدان جاسالعانى انىقتادى. ءۇي يەسى ول قارۋدى اۋىلدىڭ شەت جاعىنان تاۋىپ العانىن مالىمدەدى. قازىرگى ۋاقىتتا ونىڭ بەرگەن تۇسىنىگى تەكسەرىلۋدە. ق ر ق ك 114-بابى 3-تارماعى ياعني، دەنساۋلىققا ابايسىزدا زيان كەلتىرۋ بويىنشا تەرگەۋ جالعاسۋدا. قارۋ قازىر تاركىلەنىپ، ءتيىستى ساراپتامالار تاعايىندالدى»، - دەدى ءى ءى د باسپا ءسوز قىزمەتى.

 باسپا ءسوز قىزمەتىندەگىلەردىڭ ايتۋىنشا، بۇل وقيعا جايلى ولار الماتىداعى ارىپتەستەرىنەن بىلگەن. قولىنان جاراقات العان بالانى اتا- اناسى الماتىداعى اۋرۋحاناعا جەتكىزىپ، وقيعانىنىڭ ءمان- جايىن تولىقتاي مالىمدەپ بەرگەن.

 ايتا كەتۋ كەرەك، جالپى بيىل الماتى وبلىسىندا 776 اتىس قارۋى تاركىلەنگەن. ونىڭ 600-گە جۋىعىن جەرگىلىكتى تۇرعىندار ەرىكتى تۇردە تاپسىردى.

اۆتور: سامال قابىشيەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى