جەتپىس جاستاعى شۆارتسەنەگگەر «تەرميناتور» فيلمىنىڭ 6-بولىمىنە تۇسەدى

بۇل تۋرالى جۇما كۇنى Fox News تەلەارناسى حابارلادى. «كەلەسى جىلدىڭ ناۋرىز ايىندا «تەرميناتوردىڭ» تۇسىرىلىمىنە قاتىسامىن. (رەجيسسەر) دجەيمس كەمەرون مەن (پروديۋسەر) دەۆيد ەلليسون ءتۇسىرىلىم توبىنىڭ قۇرامىنا قايتا ورالاتىن بولادى»، - دەپ كەلتىرەدى تەلەارنا 30 -شىلدە كۇنى 70 جاسقا تولعان شۆارتسەنەگگەردىڭ سوزدەرىن. دجەيمس كەمەرون فانتاستيكالىق بويەۆيكتىڭ التىنشى ءبولىمىن ءتۇسىرۋ تۋرالى شەشىمىن راستادى جانە كاليفورنيانىڭ ەكس- گۋبەرناتورى تەرميناتوردىڭ ەمەس، ونىڭ پروتوتيپى - ادامنىڭ ءرولىن سومدايتىنىن جەتكىزدى.

شۆارتسەنەگگەر 1947 -جىلى اۆستريانىڭ گراتسا قالاسىنىڭ ماڭىنداعى اۋىلدا دۇنيەگە كەلگەن. ا ق ش- قا 21 جاسىندا كەلىپ، الدىمەن بوديبيلدينگتە، كەيىن كينودا وزىنە تاماشا مانساپ جاساي الدى. وعان الەمدىك تانىمالدىلىقتى «كونان- ۆارۆار»، (Conan the Barbarian, 1982)، «تەرميناتور» (The Terminator، 1984)، «كومماندوس» (Commando, 1985)، «جىرتقىش» (Predator، 1987)، «ءبارىن ەسكە ءتۇسىرۋ» (Total Recall, 1990) فيلمدەرى الىپ كەلدى. «تەرميناتوردىڭ» بۇعان دەيىن تۇسىرىلگەن بەس ءبولىمىنىڭ تورتەۋىندە شۆارتسەنەگگەر روبوتتىڭ ءرولىن وينادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى