ەۋروپاعا جەتكىزىلەتىن يران مۇنايىنىڭ كولەمى 6 ەسەگە ارتتى
بۇل جايلى ەۋروپالىق كوميسسيانىڭ باسپا ءسوز قىزمەتىنە سىلتەمە جاساعان يرنا اگەنتتىگى ءمالىم ەتتى.
2016-جىلدىڭ قاڭتار ايىنان ءساۋىر ايىنا دەيىنگى ارالىقتا ەۋروپاعا ەكسپورتتالاتىن يران مۇنايىنىڭ جالپى كولەمى 1,378 ميلليون توننانى قۇراعان.
يران قارا التىنىن ەڭ كوپ ساتىپ الۋشى يتاليا بولىپ شىقتى. بيىلعى جىلدىڭ العاشقى 4 ايىندا يراننان يتالياعا ەكسپورتتالعان مۇنايدىڭ جالپى كولەمى 2,871 ميلليون توننانى قۇرادى.
وسىلايشا، يتاليا ە و- قا مۇشە ەلدەرگە جەتكىزىلەتىن مۇنايدىڭ جالپى كولەمىنىڭ 30 پايىزىن يمپورتتادى.
بۇدان وزگە، تۇركياعا جەتكىزىلەتىن يران مۇنايىنىڭ بيىلعى جىلدىڭ ءساۋىر ايىنداعى كورسەتكىشى بىلتىرعى جىلدىڭ وسى كەزەڭىمەن سالىستىرعاندا، ءۇش ەسەگە ارتىپ، 1,209 ميلليون تونناعا دەيىن جەتتى (تاۋلىگىنە 298,399 مىڭ باررەل).
2011-جىلى يرانعا قارسى سانكتسيا جاريالانعاننان كەيىن يران مۇنايىنىڭ ەكسپورتى ايتارلىقتاي قىسقارعان بولاتىن.
الايدا، 2016-جىلدىڭ باسىندا يرانعا قارسى سانكسيا الىنعان ساتتەن باستاپ، ەلدەگى مۇناي ءوندىرۋ بەلسەندى ۇلعايىپ كەلەدى. سوڭعى جارتى جىلدا يران مۇنايىنىڭ ەكسپورتتالۋ كورسەتكىشى ايتارلىقتاي وسكەندىگى بايقالادى.
