سوت «ەير استاناعا» 6 ميلليوننان استام ايىپپۇل سالىندى
«الماتى قالاسىنىڭ مامانداندىرىلعان اۋدانارالىق سوتىندا «ەير استانا» ا ق- نا قاتىستى اكىمشىلىك قۇقىق بۇزۋشىلىق تۋرالى ق ر كودەكسىنىڭ 162-بابى بويىنشا اكىمشىلىك ءىس قارالدى.
سوتتا قازاقستان رەسپۋبليكاسى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ 5.09.2016 -جىلعى №240-و بۇيىرىعى نەگىزىندە اۋە كومپانياسى تاراپىنان باسەكەلەستىكتى قورعاۋ سالاسىنداعى زاڭ بۇزىلعانى انىقتالدى»، - دەلىنگەن حابارلامادا.
سوت باسپا ءسوز قىزمەتىنىڭ حابارلاۋىنشا، تەكسەرىس جۇرگىزۋ بارىسىندا اق- تاراپىنان تەكسەرۋگە الىنعان نىسانعا كىرۋگە كەدەرگى كەلتىرىلگەن. سونىمەن قاتار، قۇزىرلى ورگان تاراپىنان سۇراتىلعان اقپاراتتار ۋاقىتىندا (2016 -جىل 7 -قازانعا دەيىن) تاپسىرىلماعان. «وسىعان بايلانىستى ا ق تاراپىنان ق ر كاسىپكەرلىك كودەكسىنىڭ 221-بابىنىڭ 1-بولىگىنىڭ 1-تارماعى بۇزىلدى. زاڭنىڭ بۇل تارماعىندا مونوپولياعا قارسى ورگاننىڭ جاۋاپتى قىزمەتكەرى تەكسەرىس جۇرگىزۋ بارىسىندا تەكسەرۋگە الىنعان نىسانعا كەدەرگىسىز كىرۋگە قۇقىلى ەكەنىن كورسەتىلگەن.
سونىمەن قاتار، اتالعان كودەكستىڭ 221-بابىنىڭ 1-بولىگى 3-تارماعى بويىنشا قۇزىرەتتى تۇلعا تەكسەرىس بارىسىندا مونوپولياعا قارسى ورگان تاراپىنان بەلگىلەنگەن مەرزىمدە اقپاراتتى، قۇجاتتاردى، كوشىرمەلەردى، جازباشا جانە اۋىزشا تۇسىنىكتەمەنى مەزگىلىندە (5 جۇمىس كۇنى ىشىندە) سۇراۋعا وكىلەتتى ەكەنى ايتىلعان. وسىعان بايلانىستى، سوت قاۋلىسىمەن، «ەير استانا» ا ق اكىمشىلىك قۇقىق بۇزۋشىلىق تۋرالى كودەكسىنىڭ 162-بابى مەن اتالعان كودەكستىڭ 58-بابىنىڭ بىرىكتىرىلۋىمەن كىنالى دەپ تانىلىپ، 3200 ايلىق ەسەپتىك كورسەتكىش
كولەمىندە، 6787200 تەڭگە ايپپۇل تولەۋگە مىندەتتەلدى. قاۋلى زاڭدى كۇشىنە ەنگەن جوق.
اۆتور: الماس مۇقاش ۇلى
