ۇيقىداعى ارۋ سيندرومى: بويجەتكەن 6 اي بويى ۇيىقتاعان - فوتو
ول 2011 -جىلدىڭ قاراشا ايىنان باستاپ التى اي بويى ۇيىقتاپ جاتقان.
بۇل تۋرالى dailymail.co.uk باسىلىمى حابارلايدى.
مۇعالىمدەرى بەت گيۋدەردەن كوپ ءۇمىت كۇتەدى. ونىڭ كوللەدجدەگى وزات وقۋشى ەكەنىن ەسكەرىپ، جوعارى ساناتتاعى پسيحولوگ بولادى دەپ سەنەدى. الايدا بويجەتكەن 17 جاسىندا التى اي بويى ۇيىقتاپ جاتادى. تاۋلىكتەگى 24 ساعاتتىڭ ىشىندە تەك دارەتحاناعا بارىپ، اراسىندا تاماق ءىشۋ ءۇشىن عانا ويانعان ەكەن. ونىڭ اناسى جانين قىزىنىڭ 5 جىل ىشىندە %75 ىن ۋاقىتىن ۇيقىعا جۇمساعانىن ايتىپ جاتىر.
بەت - ءدال وسىنداي سيندرومعا شالدىققان ءجۇز ادامنىڭ ءبىرى. ونى دارىگەرگە ارنايى اربانىڭ كومەگىمەن الىپ بارادى ەكەن. سەبەبى، بەت جولدا ۇيىقتاپ كەتۋى مۇمكىن. حالىق مۇنى "ۇيقىداعى ارۋ" سيندرومى دەپ اتايدى. ازىرگە قالاي ەمدەلەتىنى بەلگىسىز. كوبىنەسە 16 جاستاعى جاسوسپىرىمدەر شالدىعادى ەكەن. شامامەن 13 جىلعا سوزىلاتىن كورىنەدى.
باستاپقىدا ءبەتتىڭ اناسى ونىڭ ميىندا ىسىك بار نەمەسە ميىنا قان قۇيىلعان دەپ ويلاعان. الايدا اناليز ناتيجەلەرى ەشبىر قاتەرلى اۋرۋدى كورسەتپەگەن. ادەتتە بەت ويانعان سوڭ، ارادا ءبىراز ۋاقىت ءوتىپ كەتكەنىن سەزبەيدى ەكەن. ول مەيرام، تۋعان كۇن كەزدەرىندە دە ۇيىقتاپ جاتقان. ونى كوللەدجدەن شىعارىپ جىبەرگەن.
«ول ويانعان كەزدە ءبىراز ۋاقىت بويى ەسەڭگىرەپ وتىرادى. كەيدە از ۇيىقتاسا دا، اينالاسىندا نە بولىپ جاتقانىن تۇسىنبەي قينالادى. ءبىرتۇرلى وعاش مىنەز تانىتادى. بەت ءبىر كۇنى قاتارىنان قالىپ قالعانىن ءبىلىپ قويدى. سول كەزدە جىلاپ، شۋ شىعاردى. ونىڭ جانى اۋىرسا، مەنىڭ جۇرەگىم اۋىرادى»، - دەيدى اناسى.
بويجەتكەن وسىدان ءۇش جىل بۇرىن 25 جاستاعى دەن ەسىمدى مۇعالىممەن تانىسقان. ول كەزدە بەت وياۋ بولعان ەكەن. ەكەۋىنىڭ اراسىندا سول ساتتە- اق ماحاببات وتى تۇتانعان كورىنەدى. ءدال قازىر دەن سۇيىكتىسىنە قولداۋ كورسەتىپ، ۇنەمى قاسىنان تابىلادى.
نەۆراپاتولوگ مامان گاي لەچزينگەر مۇنداي جاعدايدىڭ جاسوسپىرىمدەردە ءجيى كەزدەسەتىنىن ايتادى. ءتىپتى، مۇندايدا اتا- انالارىنىڭ بالالارىنا سەنىمسىزدىك تانىتقان كەزدەرى دە بولعان. ياعني، ولار بالالارى ساباققا بارماۋ ءۇشىن وسىلاي جاساپ جاتىر دەپ ويلاعان.
بەتتىڭ باسىنداعى جاعداي 15 جاستاعى كاريۋدە دە بولعان. ول ۇزدىك ناتيجەلەرى ءۇشىن فۋتبول كومانداسىنا شاقىرتىلعان. الايدا ويىن بارىسىندا ۇيىقتاپ كەتە بەرگەن. 10 كۇن بويى ءتۇرلى ەلەس كورىپ قينالعان. بۇدان كەيىن جۇرەگى اينىپ، كۇنىنە ەكى ساعات قانا ۇيىقتايتىنداي دارەجەگە جەتكەن.
اناسى دانيەللا ۇلىنىڭ ۇزدىكسىز 40 ساعاتقا دەيىن ۇيىقتاعانىن ايتىپ جاتىر. باستاپقىدا كاريۋ بۇل اۋرۋعا شالدىققانىنا سەنبەگەن. سول سەبەپتى، ول كۇندەلىك جۇرگىزىپ، ءوزىن ۆيدەوعا ءتۇسىرىپ الۋلارىن وتىنگەن. ازىرگە بۇل اۋرۋدىڭ تولىق ەمى تابىلمادى.
