ماڭعىستاۋدا سالماعى 6 كەلى ءسابي دۇنيەگە كەلدى

7 -قاراشادا ساعات 11.45-تە وبلىستىق پەريناتالدىق ورتالىقتا سالماعى 6 كەلى 100 گرامم قىز دۇنيەگە كەلدى. دارىگەرلەردىڭ ايتۋىنشا، سوڭعى بەس جىلدا ەشكىم مۇنداي سالماقپەن دۇنيەگە كەلمەگەن.

بۇل ءسابي مۇنايلى اۋدانىنىڭ 37 جاستاعى تۇرعىنىنىڭ 6- بالاسى ەكەن. ايەلدىڭ ءۇش ۇلى مەن ءۇش قىزى بار ەكەن. بالالارىنىڭ بارلىعى ۇلكەن سالماقپەن تۋىلىپتى.

«وسىعان دەيىنگى بالالارى 3 كەلى 900 گرامم، 4 كەلى، 4 كەلى 300 گرامم، 4 كەلى 900 گرامم، 5 كەلى 900 گراممەن دۇنيەگە كەلدى. بارلىعىن ءوزى بوساندى، تەك بىرەۋىن ىشتەن جارىپ الۋعا تۋرا كەلدى. قازىرگى ۋاقىتتا ءسابي مەن اناسىنىڭ جاعدايى جاقسى»، - دەدى وبلىستىق پەريناتالدىق ورتالىق ديرەكتورىنىڭ ورىنباسارى روزا بادانوۆا.

ەسكە سالا كەتەيىك، 2012 -جىلى استانادا سالماعى 6 كەلى 820 گرامم ۇل بالا دۇنيەگە كەلگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى