قازاق دالاسىنان تابىلعان 6 التىن ادام - فوتو

وتارلىق كەزەڭدە سۇيەگىمىزگە ءسىڭىپ قالعان جالعان عىلىمدى، تاۋەلسىزدىك جىلدارى جوققا شىعارىپ، كەڭ-بايتاق دالامىزدا نەبىر اتوي سالعان اتا-اپالارىمىز وتكەنىن دالەلدەپ بەردى. سول دالەلدىڭ ءبىرى ءارى ەرەكشەسى قازاقستان تەرريتورياسىنان تابىلعان التى بىردەي التىن ادام.

1№ التىن ادام

الماتى ماڭىنداعى ەسىك قورعانىنان 1969-جىلى تابىلعان. كەمال اقىشيەۆتىڭ جەتەكشىلىگىمەن بولعان ەكسپەديتسيا. بۇل ساق كەزەڭىنىڭ ساربازى. جاسى - 18. ناقتى جىنىسى انىقتالماعان. كيىم ۇلگىسىنەن ونى پاتشا اۋلەتىنىڭ مۇشەسى ەكەنىن بايقاۋعا بولادى.

2№ التىن ادام

1999-جىلى اتىراۋ ايماعىنداعى ارالتوبە قورعانىندا تابىلدى. زەرتتەۋ جۇمىستارىن باستاپ بارعان عالىم - زەينوللا ساماشيەۆ بولاتىن. جانىندا جاتقان بۇيىمدار مەن كيىمىنە قاراپ، بۇل سارمات اسكەرىنىڭ قولباسشىسى ەكەنى دالەلدەندى.

3№ التىن ادام

شىعىس قازاقستان وبلىسى ايماعىندا 2003-جىلى تابىلدى. شىلىكتى قورعانىندا زەرتتەۋدى باستاپ بارعان ابدەش تولەۋبايەۆ. بۇل ءوز ءداۋىرىنىڭ پاتشاسى بولعان ەكەن. عالىمنىڭ پىكىرى بويىنشا، ءدال وسى جەردە ساقتاردىڭ مادەنيەتى ءوز باستاۋىن العان.

4№ التىن ادام

قاراعاندىدان 300 شاقىرىمداي قاشىقتىقتاعى قارقارالىداعى «تالدى» قورعانىندا ءتورتىنشى «التىن ادام» تابىلدى. بۇل ساق وكىلى شامامەن ءبىزدىڭ داۋىرىمىزگە دەيىنگى 6- عاسىردا ءومىر سۇرگەن. قورعان تونالىپ كەتكەندىكتەن، بۇل «التىن ادامنىڭ» ناقتى جىنىسىن ايتۋ قيىن.

5№ التىن ادام

2012-جىلى باتىس قازاقستانداعى تاقساي قورعانىندا تاعى ءبىر «التىن ادام» تابىلدى. ەكسپەديتسيا جەتەكشىسى مۇرات سىدىقوۆ. بۇل قورعاندا ءارتۇرلى اشەكەيلەر مەن بۇيىمداردى تاققان ەرتە ساق كەزەڭىنىڭ ايەلى جاتقان.

6№ التىن ادام

قازاقستان عىلىمىنا بەلگىلى سوڭعى «التىن ادام» 2013-جىلى شىعىس قازاقستان وبلىسىنىڭ ۇرجار اۋدانىنان تابىلدى. زەرتتەۋدى باستاپ بارعان عالىم تيمۋر سماعۇلوۆ. عالىمداردىڭ پىكىرىنشە، بۇل جەردە تابىلعان ساق ۋاقىتىنىڭ ايەلى.

رۇستەم شاحىمۇران ۇلى

jaqsy.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى