قازاقستاندا بيىل قاڭتار ايىندا جەڭىل اۆتوكولىكتەردىڭ ورتاشا باعاسى 6 ميلليون تەڭگەدەن استى

سونىمەن، 2016-جىلدىڭ العاشقى ايىندا جاڭا اۆتوكولىكتەردى ساتۋ، 2015-جىلدىڭ جەلتوقسان ايىمەن 45,68 پايىزعا تومەندەدى. بۇل ايدا بارلىعى 3492 جەڭىل اۆتوكولىك ساتىلعان. بۇل سوڭعى 4,5 جىل ىشىندەگى ەڭ تومەنگى كورسەتكىش.

ال جىلدىق سالىستىرىلىم بويىنشا، جەڭىل اۆتوكولىكتەردى ساتۋدىڭ تومەندەۋى 2015-جىلدىڭ قاڭتار ايىمەن سالىستىرعاندا 55,25 پايىزدى قۇراپ وتىر.

قازاقستان دامۋ بانكىنىڭ رەسمي مالىمەتى بويىنشا، ەلىمىزدە 2016-جىلدىڭ 4- اقپانىنا قاراي، اۆتونەسيە الۋ بويىنشا جالپى سوماسى 16874,9 ميلليون تەڭگەگە 5182 ءوتىنىم قاناعاتتاندىرىلعان.

سولاردىڭ ىشىندە ەكىنشى دەڭگەيدەگى بانكتەر جالپى سوماسى 14197,2 ميلليون تەڭگەگە 4439 نەسيە بەرگەن. وسىلايشا، ارنايى بولىنگەن 26 ميلليارد تەڭگەنىڭ 64,9 پايىزى ماقۇلداندى. ياعني، قارجىنىڭ 54,60 پايىزى يگەرىلدى»، - دەلىنگەن حابارلامادا.

ساتىلعان جەڭىل اۆتوكولىكتەردىڭ (ولاردىڭ ىشىندە جولسىزبەن جۇرە بەرەتىن اۆتوكولىكتەر دە بار) ورتاشا باعاسى (ا ك ا ب ەسەبى بويىنشا) قاڭتار ايىندا 6763644 تەڭگەنى قۇرادى.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى