شەتەلدە ماس قازاقستاندىق 6 ادامعا شابۋىل جاسادى
23 جاسار ايبەك ماناپوۆ 20 سانتيمەتر پىشاقپەن 6 ادامعا شابۋىل جاساعانىن مويىنداعان.
مامىلەگەر سۋديا دوناتەللا فرەندو ديمەك بەيسەنبى كۇنى تاڭەرتەڭ ايبەك ماناپوۆقا 3 جىل شارتتى جانە 10 اي تۇرمەگە قاماۋ جازاسىن كەستى. وعان 116 ەۋرو ايىپپۇل سالىنعان.
سوتتا ايعاق رەتىندە بەينەباقىلاۋ كامەرەسىنىڭ جازباسى، پىشاق جانە قازاقستاندىقتىڭ جەكە كۋالىگى ۇسىنىلدى.
جىگىت ءبىر كەلىنشەكتى جەڭىل جاراقاتتاپ، 5 ادامعا شابۋىل جاساپ، قوعامدىق ءتارتىپتى بۇزعان. سونىمەن قاتار، رۇقساتسىز سۋىق قارۋ الىپ جۇرگەنى ءۇشىن ايىپتالىپ وتىر.
قازىر ا. ماناپوۆ مالتا اۋماعىندا، ول وندا 2015- جىلدىڭ قازان ايىنان بەرى اعىلشىن ءتىلىن ۇيرەنۋدە. ءتىل كۋرسى 2016- جىلدىڭ مامىر ايىندا اياقتالۋى ءتيىس. الايدا سوت باسقا ستۋدەنتتەرگە قاۋىپ توندىرەتىندىكتەن ونى مۇمكىنشىلىك تۋا قالعان جاعدايدا ەل اۋماعىنان شىعارىپ سالۋ كەرەك دەگەن شەشىم قابىلدادى.
ايىپتالۋشىنىڭ قورعاۋشىسى دجوزەف ميتستسي ا. ماناپوۆ اتىنان زارداپ شەگۋشىلەردەن كەشىرىم سۇرادى.
