استانا ارلانس كومانداسى دۇنيەجۇزىلىك بوكس سەرياسىنىڭ 6- ماۋسىمىنا قاتىساتىن قۇرامىن تانىستىردى - فوتو
«ءبىز رەبرەندينگ (برەندتى اۋىستىرۋ بويىنشا كەشەندى شارالار) وتكىزدىك، ەندى جاڭا ماۋسىمدا جاڭا فورمادا جانە جاڭا لوگوتيپپەن ونەر كورسەتەتىن بولامىز. كلۋبتىڭ باستى نىشانى - قاسقىردىڭ كەسكىنى ساقتالدى، ءبىراق ول ەندى قۇرىلتايشىلاردىڭ، ياعني «استانا» پرەزيدەنتتىك كاسىپقوي سپورت كلۋبى لوگوتيپىنىڭ تۇجىرىمداماسىنا سايكەستەندىرىلدى»، - دەدى ءوز سوزىندە «استانا ارلاندارى» كلۋبىنىڭ باس مەنەدجەرى سەرىك ساپيەۆ.
اتالمىش سپورت بازاسىندا كوماندانىڭ جاڭا قۇرامى تانىستىرىلدى. سونداي-اق، جاڭا ماۋسىمدا اعا جاتتىقتىرۋشىنىڭ مىندەتى نۇرلان اقۇرپەكوۆكە جۇكتەلدى. ال بوكستان ۇلتتىق قۇرامانىڭ باس باپكەرى مىرزاعالي ايتجانوۆ ءوزىنىڭ كەڭەسشىلىك قىزمەتىن جالعاستىراتىن بولادى.
جاڭا ماۋسىم بويىنشا وتىندىق 30 بوكسشىمەن كەلىسىمشارتتار جاسالدى.
«كوماندا قۇرامىندا وتكەن جىلى ونەر كورسەتكەن دانيار ەلەۋسىنوۆ، قايرات ەرالييەۆ، جانىبەك ءالىمحان ۇلى، يۆان دىچكو جانە ۆاسيلي ليەۆيت بيىل برازيليانىڭ ريو-دە جانەيرو قالاسىندا وتەتىن جازعى وليمپيادا ويىندارىنا بايلانىستى ۇلتتىق قۇراما ساپىندا قالدىرىلدى. الايدا، ءبىز ولاردىڭ ورنىن باسار جاس بىلعارى قولعاپ شەبەرلەرىنە كوپ ءۇمىت ارتامىز. ولار كەز كەلگەن قارسىلاسقا قارسى لايىقتى ونەر كورسەتەدى دەگەن سەنىمدەمىز»، - دەدى اعا باپكەر.
التىنشى ماۋسىمدا دۇنيەجۇزىلىك بوكس سەرياسى جوباسىندا ەكى كوماندا «تۇرىك جاۋلاۋشىلارى» جانە «وزبەك جولبارىستارى» تۇڭعىش رەت ونەر كورسەتەتىن بولادى. بۇل جەردە وزبەك «جولبارىستارى» قازاقستاندىق «ارلاندارمەن» ءبىر توپقا ءتۇستى. بۇل توپقا سونداي-اق، «Azerbaijan Baku Fires» جانە «Puerto Rico Hurricanes» كوماندالارى ەندى.
«بۇل ماۋسىمدا ۇيىمداستىرۋشىلار سايىس فورماتىن ازداپ وزگەرتتى. 16 كوماندا ءتورت توپقا ءبولىندى. ولاردان كەلەسى كەزەڭگە ەكى كوماندا شىعادى. ءبىزدىڭ بوكسشىلار ءۇشىن جاڭا ماۋسىم الداعى 23- اقپاندا باستالادى. بۇل كۇنى وتانداستارىمىز قاراعاندى قالاسىندا ءازىربايجاندىق ارىپتەستەرىمەن قولعاپ تۇيىستىرەدى. بۇدان كەيىنگى كەزدەسۋلەر پەتروپاۆل جانە وسكەمەن قالالارىندا وتەدى. ال ەگەر پلەي- و ف ف كەزەڭىنە وتەر بولساق، وندا قازاقستاندا وتەتىن سايىستاردىڭ بارلىعى شىمكەنت قالاسىندا وتكىزىلەدى. بۇل قالالار، بوكستى وسى وڭىرلەردە ناسيحاتتاۋ ماقساتىندا تاڭداپ الىندى»، - دەدى كلۋبتىڭ باس مەنەدجەرى سەرىك ساپيەۆ.
ايتا كەتەلىك، «استانا ارلاندارى» - WSB جوباسىندا ەكى رەت چەمپيوندىققا قول جەتكىزگەن كوماندا.
اۆتور: جاپپاربەرگەن ايبوتا
