قازاقتاردىڭ جاعىمسىز 6 ادەتى

بۇگىندە ولاردىڭ كوبى ءوز ءمانىسىن جوعالتىپ، ايتارلىقتاي زياندى ادەتتەر قاتارىنا جاتقىزىلىپ ءجۇر.

قازاقتاردىڭ تەزىرەك ارىلۋى ءتيىس جاعىمسىز 6 ادەتىن comode.kz-كە سىلتەمە جاساپ nur.kz نازارلارىڭىزعا ۇسىنادى.

تاماقتانىپ قويعاننان كەيىن جاتىپ دەمالۋ.

تاماقتانىپ العاننان كەيىن جاتىپ دەمالۋ تاماقتىڭ قورىتىلۋىن ايتارلىقتاي باسەڭدەتەدى. بۇل زياندى ادەتتىڭ سالدارى جاقسى ەمەس: قىجىل، اسقازانداعى اۋىرلىق پەن اۋىرسىنۋ، كەكىرۋ.

جاتقان كۇيدە تاماق باياۋ قورىتىلادى. ۇيىقتاپ قالعان بولساڭىز، ماي جيناۋىڭىز دا عاجاپ ەمەس. بىردەن جاتا كەتۋگە اسىقپاي 20-30 مينۋت جۇرە تۇرعانىڭىز ابزال. بۇل تاماقتىڭ تەز قورىتىلۋىنا سەپتىگىن تيگىزەدى.

ەتتى كۇن سايىن جەۋ.

ەتتى كۇن سايىن 108 گراممنان ارتىق جەگەن ادام قانت ديابەتىنە شالدىعۋى مۇمكىن. مۇنداي ءقاۋىپتى اسىرەسە شوشقا ەتى مەن سيىر ەتى توندىرەدى. ەت جەگەن كەزدە قاندا تەمىردىڭ مولشەرى بىردەن جوعارىلايدى.

بۇل ۇدەرىس قانت دەڭگەيىن تۇسىرەتىن ينسۋليننىڭ جۇمىسىنا كەدەرگى كەلتىرەدى.

سورپانى ايرانمەن بىرگە ءىشۋ.

تۇزدى سورپا مەن قىشقىل ايراندى بىرگە ءىشۋ دامدىرەك كورىنگەنىمەن، بۇل گاستريت جانە وزگە ىشەك جولدارىنىڭ سىرقاتىنا شالدىققاندارعا قاۋىپتى سانالادى.

ايراننىڭ قىشقىلدىق دەڭگەيى جوعارى. ال مايلى سورپا ورگانيزمگە تۇسكەندە، ىشەك ارقىلى تەز ارادا سىڭە باستايدى. سول ارالىقتا باۋىر ەت بولشەكتەرىن بەلسەندى تۇردە قورىتۋعا ۇلگەرمەي، سورپا ىدىراماعان ۋعا اينالادى.

باس كيىم مەن كۇننەن قورعايتىن كوزىلدىرىكتەردى كيمەۋ

كوپتەگەن قازاقتاردىڭ كوزىنىڭ قىسىق كەلۋى - اتا- بابالارىمىزدىڭ ەن دالادا كوشپەندى تىرشىلىك ەتۋىمەن تۇسىندىرىلەدى. قازاقتاردىڭ كوبى ءالى كۇنگە دەيىن كۇننىڭ ىستىعىندا باس كيىم كيىپ، كوزىلدىرىك تاعۋدى ەرسى سانايدى.

كەشىگۋ.

قازاق تويلارىنىڭ كوبى بەلگىلەنگەن ۋاقىتىنان 1,5-2 ساعاتقا كەش باستالادى. تويعا كەلەتىندەر ەلدەن بۇرىن جينالىپ قويۋدان قاشىپ، ۇيىنەن نەعۇرلىم كەشىرەكتەۋ شىعۋعا تىرىسادى.

ناتيجەسىندە 6 دا جينالۋى كەرەك قوناقتار كەشكى سەگىزدە ازەر جينالادى. ەرتەرەكتە بۇلاي كەشىگۋگە قوناقتاردىڭ شالعاي اۋىلداردان اعىلاتىنى سەبەپ بولاتىن. ال قازىر بۇل شالعايلىققا قاراماستان، ادەتكە اينالعان.

جاتاردا تاماقتانۋ.

بۇعان دەيىن قازاق وتباسىلارىندا كۇتپەگەن قوناق ەسىك قاقسا، وعان ەت اسىپ، سىيلاستىق تانىتۋ مىندەتتى سانالاتىن. ۇلكەن قازانعا بەشبارماق سالىپ، ول بىرنەشە ساعات قايناپ، پىسكەنشە قوناققا ءشاي بەرەتىن.

قازىردە تۇنگە دەيىن قوناق كۇتۋ ايتارلىقتاي ءجيى كورىنىس بولماعانىمەن، تۇندەلەتىپ تاماق جەۋ ادەت بولىپ كەتكەن. ۇيقى الدىندا ورگانيزمگە مۇنداي سالماق ءتۇسىرۋ، اسقازاننىڭ تىنىعۋىنا كەدەرگى كەلتىرەدى.

سالدارىنان تاڭەرتەڭ ءوزىڭىزدى جايسىز سەزىنىپ، سالماق جينايسىز.

 nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى