پەتروپاۆل اۋەجايىن جوندەۋ جۇمىستارىنا 6 ميلليارد تەڭگە جۇمسالادى - فوتو

جوندەۋ جۇمىستارىنا رەسپۋبليكالىق بيۋدجەتتەن 6 ميلليارد 400 ميلليون تەڭگە بولىنگەن.

ۇشۋ-قونۋ جولاعىن قايتا جوندەۋدى استانالىق «ك-دورستروي» كومپانياسى 27- شىلدەدە باستاپ كەتكەن بولاتىن.

«ءبىز وسى جىلى جوباعا سايكەس ۇشۋ-قونۋ جولاعىن كەڭەيتىپ، ۇزارتاتىن بولامىز. بۇعان 4 ميلليارد تەڭگە ءبولىندى. بۇل تەك جول جۇمىستارى: جولدىڭ بەتىن فرەزەرلەۋ، جوندەۋ، اسفالتبەتونمەن تەگىستەۋ، گەوسەتكا، بىرپوليمەرلى بيتۋم جابىندىسى جانە سوڭعى 10 سانتيمەترلىك قابات. ال كەلەسى جىلى ۇشۋ-قونۋ جولاعى 300 مەترگە ۇزارىپ، 18 مەترگە كەڭەيەتىن بولادى. پارامەترى 60 مەترگە 2,8 شاقىرىم بولادى»، - دەدى «ك- دورستروي» ا ق ديرەكتورى ۆالەري لازاريەۆ.

تاياۋ كۇندەرى اەروۆوكزالدى جوندەۋ جۇمىستارى باستالادى. ودان كەيىن اۋەجاي حالىقارالىق رەيستەردى دە قابىلدايدى دەپ جوسپارلانىپ وتىر.

«اۋەجاي كەلەر جىلى تامىز ايىندا دايىن بولادى. ءبىز ءبىر جىل ىشىندە ءبارىن جاساپ ۇلگەرۋىمىز كەرەك. ۇشۋ-قونۋ جولعانىنان باسقا ءبىز جولاۋشىلار تەرمينالىن جوندەۋدى دە قاراستىرامىز. ول دا بيىل باستالادى. تەندەر قىركۇيەك ايىندا اياقتالادى»، - دەدى ەرىك سۇلتانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى