قوستاناي وبلىسىندا 6 بالا شيەدەن ۋلانىپ قالدى

بۇل تۋرالى قوستاناي وبلىسى ت ج د باسپا ءسوز قىزمەتىنەن حابارلادى.

حابارلامادا ولار ينسەكتيتسيدپەن وڭدەلگەن باقشا شيەسىن جەگەندىكتەن ۋلانعان دەلىنگەن.

وقيعا فەدوروۆ اۋدانى لەنين سەلولىق وكرۋگىنىڭ جاڭاقوي اۋىلىندا تىركەلدى. سول كۇنى 1,5 مەن 13 جاس ارالىعىنداعى ۋلانعان التى بالا اۋداندىق اۋرۋحاناعا جاتقىزىلدى.

ارتىنشا ەكەۋى جانساقتاۋ بولىمىنەن اەروموبيلمەن قوستانايعا جەتكىزىلدى. ولار وبلىستىق اۋرۋحاناعا ەتيولوگياسى بەلگىسىز تاعاممەن ۋلانۋ بەلگىسىمەن جاتقىزىلدى، جاعدايلارى اۋىر.

6-13 جاس ارالىعىنداعى ءتورت بالا اۋداندىق اۋرۋحانادا ەم الۋدا. ولاردىڭ جاعدايلارى ورتاشا دەڭگەيدە اۋىر دەپ باعالانۋدا. وقيعا ورنىندا جەدەل توپ جۇمىس ىستەۋدە.

«تولىق اقپارات قوستاناي وبلىسى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ تەكسەرۋ قورىتىندىسى بويىنشا بەرىلەدى»، - دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى