قازاقستاندىق اسكەري قىزمەتشى 6- دۇنيەجۇزىلىك اسكەري سپورتتىق ويىندارعا قاتىسادى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
قازىرگى ۋاقىتتا ل. گۋباريەۆا - اسكەريلەندىرىلگەن كوپسايىس بويىنشا ق ر قارۋلى كۇشتەرى كومانداسىنىڭ تۇراقتى مۇشەسى. ول كوپتەگەن رەسپۋبليكالىق جانە حالىقارالىق دەڭگەيدەگى جارىستارعا قاتىسقان.
اسكەري قىزمەتشىلەر اراسىندا وتكەن دۇنيە جۇزىلىك چەمپيوناتتا قۇراما قۇرامىندا قازاقستان ارمياسىنىڭ نامىسىن قورعاعان. ق ر ق ك سپارتاكياداسىندا ليۋدميلا بارلىق اسكەري بولىمدەر مەن بولىمشەلەر، وڭىرلىك قولباسشىلىقتار اسكەري قىزمەتشىلەرى اراسىندا ەڭ ۇزدىك كورسەتكىشتەر كورسەتىپ، اسكەريلەندىرىلگەن كروسستا ءبىرىنشى ورىنعا يە بولدى.
ايتا كەتسەك، دۇنيەجۇزىلىك اسكەري سپورتتىق ويىندار 1995-جىلدان باستاپ وليمپيادا ويىندارىنىڭ الدىندا ءتورت جىلدا ءبىر رەت ۇيىمداستىرىلادى. 2011-جىلى ريو-دە-جانەيرودا وتكەن ويىنداردا قازاقستان قۇراماسى 109 قاتىسۋشى- مەملەكەتتەر اراسىندا 11- جالپى كوماندالىق ورىندى يەلەندى. الداعى ويىندارعا ءبىزدىڭ قۇراماسىزدىڭ قۇرامىنا سپورتتىڭ 7 تۇرىنەن (دزيۋدو، بوكس، ەركىن كۇرەس جانە گرەك-ريم كۇرەسى، پەنتاتلون، اتىس، سپورتتىق باعدارلاۋ، زاماۋي كوپسايىس) 70 كە جۋىق اسكەري سپورتشىلاردى ەنگىزۋ جوسپارلانىپ وتىر.
