سولتۇستىك قازاقستاندا ءۇندىستاننىڭ 6 ازاماتى تۇتقىندالدى
شەتەلدىكتەر ءبىر تاۋلىككە تۇتقىندالدى.
ولار كوشى-قون قاعيداسىن بۇزعانى ءۇشىن ەلدەن سىرتقا شىعارىلادى.
بۇل تۋرالى س ق و ءى ءى د باسپا ءسوز قىزمەتى حابارلادى.
«س ق و ءى ءى د زاڭسىز كوشى-قونمەن كۇرەس جەكە ۆزۆودىنىڭ قىزمەتكەرلەرى پەتروپاۆلدىڭ ۆوكزال ماڭىنداعى اۋماعىنان ءۇندىستاننان كەلگەن 6 ازاماتتى ۇستادى. تەكسەرۋ بارىسىندا ولار ق ر اۋماعىنا الماتىلىق ج ش س-نىڭ شاقىرتۋىمەن كەلگەن. ولار دانەكەرلەۋ جۇمىسىن جۇرگىزۋدىڭ جاڭا تەحنولوگيالارىن ەنگىزۋ ماسەلەسى بويىنشا كونفەرەنسياعا قاتىسۋ ءۇشىن تىركەۋدەن وتكەن. الايدا، دانەكەرلەۋ جۇمىستارى بويىنشا قىزمەت كورسەتۋ ءۇشىن ءۇندىستان ازاماتتارى وبلىس اۋىلدارىنىڭ بىرىنە كەلگەن».
شەتەلدىكتەر ق ر اكىمشىلىك قۇقىق بۇزۋشىلىق تۋرالى كودەكسىنىڭ 394-بابى 3-ءبولىمى بويىنشا اكىمشىلىك جاۋاپكەرشىلىككە تارتىلدى.
سوت شەشىمى بويىنشا كەيىننەن ق ر-نان شىعارا وتىرىپ، 1 تاۋلىككە اكىمشىلىك قاماۋ تاعايىندالدى.
وسى جىلعى 10 ايدا وبلىستىڭ كوشى-قون پوليتسياسى بولىمشەسىنىڭ قىزمەتكەرلەرى كوشى-قون زاڭناماسىن بۇزعان 2600 استام شەتەلدىكتى اكىمشىلىك جاۋاپكەرشىلىككە تارتقان. ولاردىڭ 110 ى سوت شەشىمى بويىنشا ەلدەن شىعارىلدى.
