قازاقستاندىقتار سىبايلاس جەمقورلىقتىڭ 6 سەبەبىن اتادى

«قازاقستاندىقتار سىبايلاس جەمقورلىقتىڭ نەگىزگى 6 سەبەبىن اتادى. ولار: شەنەۋنىكتەردىڭ ارەكەتتەرىنە، تابىستارىنا جانە شىعىندارىنا قاتاڭ باقىلاۋدىڭ جەتكىلىكسىزدىگى، سوت جۇيەسىنىڭ جەتىلمەگەندىگى، بيۋجەتتىك سالاداعى جۇمىسشىلار جالاقىسىنىڭ تومەندىگى، سىبايلاس جەمقورلىق فاكتىلەرى ءۇشىن جازالاردىڭ دۇرىس ەمەستىگى، جەتىلمەگەن ەكونوميكا مەن قوعامدىق باقىلاۋدىڭ جوقتىعى، سونداي-اق ۇلتتىق داستۇرلەر مەن مەنتاليتەت»، - دەدى ول.

ب. راقىشيەۆانىڭ ايتۋىنشا، ساۋالناماعا قاتىسقان رەسپوندەنتتەر جەمقورلىق دەڭگەيىن تومەندەتۋ ءۇشىن ونىمەن كۇرەستەگى قۇقىق قورعاۋ ورگاندارى قىزمەتىنىڭ تيىمدىلىگىن ارتتىرۋ قاجەت دەپ سانايتىندىقتارىن بىلدىرگەن. سونىمەن قاتار ساۋالناماعا قاتىسقان ازاماتتار جەمقورلىقپەن كۇرەس زاڭناماسىن قاتاڭداتۋ ونىڭ ورشۋىنە توسقاۋىل بولاتىندىعىنا سەنىمدى.

«رەسپوندەنتتەر بيۋجەتتىك قارجىنىڭ ۇلەستىرىلۋى مەن جۇمسالۋىنىڭ قاتاڭ باقىلانۋى دا جەمقورلىق دەڭگەيىنىڭ تومەندەۋىنە سەپتىگىن تيگىزەدى دەپ ەسەپتەيدى. حالىقتىڭ قۇقىقتىق ساۋاتتىلىعىن ارتتىرۋ جەمقورلىققا توسقاۋىل قوياتىندىعىنا سەنىمدى ازاماتتاردىڭ دا قاتارى مول»، - دەدى ينستيتۋت ديرەكتورى.

ايتا كەتەيىك، «قوعامدىق پىكىر» ورتالىعى «نۇر وتان» پارتياسىنىڭ قوعامدىق ساياسات ينستيتۋتىمەن بىرلەسىپ، قازاقستاندىقتار اراسىندا قۇقىق بۇزۋشىلىقتارعا «نولدىك توزىمدىلىك» تاقىرىبىندا الەۋمەتتىك ساۋالناما جۇرگىزگەن. وعان ەلىمىزدىڭ بارلىق وبلىستارى مەن استانا جانە الماتى قالالارىنىڭ 18 دەن اسقان 1600 ازاماتى قاتىسقان.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى