ازەربايجاننان ساتىپ الىنعان 6 مىڭ توننا جانار- جاعارماي قازاقستانعا جەتكىزىلمەي قالۋى مۇمكىن

«قازمۇنايگاز» - وڭدەۋ جانە ماركەتينگ» حابارلايدى، ق ر ۇكىمەتىنىڭ ىشكى نارىقتاعى جاعدايدى تۇراقتاندىرۋعا باعىتتالعان ءىس- شارالار اياسىندا «قازمۇنايگاز ونىمدەرى» ج ش س (ق م گ ءو) بيىل 10 - قازان كۇنى ءازىربايجاننان قازاقستانعا  6000 توننا ا ي-92 ماركالى جانار- جاعارمايدى جەتكىزۋ بويىنشا كەلىسىمشارت جاساسقان بولاتىن.

اتالمىش كەلىسىمشارت بويىنشا ق م گ ءو 14 - قازان كۇنى  3000 توننا جانار- جاعارمايدىڭ قۇنىن وتەپ تە ۇلگەرگەن بولاتىن. قۇجات تالاپتارى بويىنشا جانار- جاعارماي 10 قاراشاعا دەيىن جەتكىزىلۋى ءتيىس. قازىرگى ۋاقىتتا كونتراگەنت ازەربايجاننان جوعارى وكتاندى جانار- جاعارماي تۇرلەرىن شەتەلگە شىعارۋعا ۋاقىتشا تىيىم سالىنعاندىقتان، كەلىسىلگەن كولەمدەگى جانار- جاعارمايدى قازاقستانعا جەتكىزۋ بويىنشا دايىندىعىن راستاي الماي وتىر»، - دەلىنگەن تاراتىلعان حابارلامادا.

 كومپانيانىڭ اتاپ كورسەتكەنىندەي، ەگەر ءازىربايجان جاق وزىنە جۇكتەلگەن مىندەتتى ورىنداي المايتىن بولسا، ق م گ ءو كەلىسىمشارتتى بۇزۋ جانە قاراجاتتى قايتارۋ بويىنشا شارالاردى اتقاراتىن بولادى. اتاپ وتكەن ءجون، «قازمۇنايگاز» - وڭدەۋ جانە ماركەتينگ» ازەربايجان ۇكىمەتىنىڭ جانار- جاعارمايدى شەت مەملەكەتتەرگە تاسىمالداۋعا ۋاقىتشا شەكتەۋ قويۋى قازاقستاننىڭ ىشكى نارىعىنداعى احۋالعا كەرىن اسەرىن بەرمەيدى دەپ سەندىرۋدە.

 ىشكى نارىقتى قامتاماسىز ەتۋ ماقساتىندا ق م گ و قازان ايىندا 42,3 مىڭ توننا ا ي-92 ماركالى جانار- جاعارمايدى سىرتتان ساتىپ العان بولاتىن. قازىرگى ۋاقىتتا قازاقستانعا رەسەي جانە بەلارۋس ەلدەرىنىڭ مۇناي وڭدەۋ زاۋىتتارىنان 37,2 مىڭ توننا بەنزين جىبەرىلدى. ولار ەلگە قاراشا ايىندا كەلىپ جەتەدى.

 «سونىمەن قاتار موزىر جانە نوۆوپولوتسكي مۇناي وڭدەۋ زاۋىتتارىنان (بەلارۋس) جانە رەسەيلىك زاۋىتتاردان قاراشا ايىندا قوسىمشا 50 مىڭ توننا اي-92/93 جانار- جاعارماي ساتىپ الىنادى»، - دەلىنەدى باسپا ءسوز حابارلاماسىندا.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى