شەتەلدەن كوشىپ كەلگەن قانداستارىمىزعا باسپانا بەرىلىپ، 6 ايدا ازاماتتىعىن الادى

ونىڭ مالىمەتىنشە، 2012-جىلى كۆوتا بەرۋ توقتاتىلعالى، قازاقستانعا كوشىپ كەلەتىن قازاقتاردىڭ سانى كۇرت ازايعان.

«وسى ۋاقىتقا دەيىن ورالمانداردىڭ كوشىپ كەلۋ كۆوتاسى توقتاتىلعان بولاتىن. ازاماتتىق الۋ قۇقىعى دا 4  جىلعا ۇزارتىلعان ەدى. كۆوتا توقتاعان 2012-جىلعى ستاتيستيكا بويىنشا، سول جىلى 39 مىڭ اعايىن كوشىپ كەلدى. ال 2013-جىلى 35 مىڭ قانداسىمىز تاريحي وتانىنا ات باسىن تىرەدى. بيىلعى جارتى جىلدا 7 مىڭ ادام كوشىپ كەلگەن»، - دەدى ا. قارجاۋبايەۆ.

ونىڭ ايتۋىنشا، وسىعان بايلانىستى جاڭا قابىلدانعان زاڭعا وزگەرىستەر ەنگىزىلدى.

«زاڭعا سايكەس، اعايىندار قازاقستان اۋماعىنىڭ قاي وڭىرىنە كەلسە دە ءوز ەركى. ولار ەلىمىزگە كەلىسىمەن «ورالمان» مارتەبەسىن الادى. تۇراقتى تۇرۋعا رۇقسات الۋ ءۇشىن تولەم قابىلەتىن راستامايتىن بولادى. ءۇش ايدىڭ ىشىندە تۇراقتى تىركەلۋگە رۇقسات الىسىمەن ازاماتتىققا ءوتىنىش بەرە الادى. ول دا شامامەن ءۇش اي كولەمىندە بىتەدى. وسىلايشا، ءار ورالمان جارتى جىلدىڭ ىشىندە قازاقستان ازاماتى اتانۋعا مۇمكىندىك بار»، - دەدى ا. قارجاۋبايەۆ.

كوميتەت ءتوراعاسىنىڭ مالىمەتىنشە، قانداستارىمىز ءۇشىن ماتەريالدىق جاعداي دا جاسالماق. باسپانا ماسەلەسى دە شەشىمىن تاباتىن بولدى.

«ۇكىمەت بەلگىلەگەن مەكەندەرگە كوشىپ بارعان اعايىندارعا جول شىعىندارى تولەنەدى. مىندەتتى تۇردە قىزمەتتىك پاتەرمەن دە قامتاماسىز ەتىلەدى. بۇل قىزمەتتىك پاتەردى ولار 5 جىلدان سوڭ مەنشىگىنە الۋعا قۇقىلى. ەندى وسىنداي جاعدايلار جاسالىپ وتىرعاندا شەتەلدەن كەلەتىن قانداستارىمىزدىڭ سانى ارتادى دەپ ويلايمىن. شەتەلدەن كەلەتىن قازاقتار ءۇشىن قازاقستاننىڭ ەسىگى ءاردايىم اشىق. كەيبىر ازاماتتاردىڭ جاڭساق اقپارات تاراتىپ «شەتەل قازاقتارىنا قازاقستان توسقاۋىل قويدى» دەگەن ءسوز دۇرىس ەمەس. وسىنى ءاربىر قازاق بىلە جۇرگەنى ءجون. شەتەلدەن قازاق وسى ۋاقىتقا دەيىن كوشىپ كەلدى. الداعى ۋاقىتتا دا كوشىپ كەلە بەرەدى»، - دەدى ا. قارجاۋبايەۆ.

اۆتور: ءابۋ-اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى