قالاعا ءتىل تيگىزگەن بويجەتكەن 6 جىلعا باس بوستاندىعىنان ايىرىلۋى مۇمكىن

جەرگىلىكتى ب ا ق-تىڭ جازۋىنشا، 26 جاستاعى بويجەتكەن جانارماي ستانسياسىندا كەزەككە تۇرعىسى كەلمەي، كەزەكسىز ءوتىپ كەتپەك بولادى. الايدا ستانسيا قىزمەتكەرلەرى ونىڭ بۇل ارەكەتىن بايقاپ قالىپ، قىزمەت كورسەتپەي قويعان.

اتالعان وقيعا ستۋدەنت قىزدىڭ شامىنا تيگەنى سونشالىق، ول ءوز ەموتسياسىن الەۋمەتتىك جەلىلەردە بىلايشا جاريالايدى: «دجودجا (دجوكياكارتا) - حالقى وتە كەدەي جانە دورەكى، مادەنيەتسىز قالا. دجاكارتا مەن باندۋنگ ( يندونەزيا قالالارى) قالاسىنداعى دوستارىم، وتىنەم، دجوداعا كەلمەڭدەر». سونداي-اق ول الەۋمەتتىك جەلىلەردىڭ بىرىنە ۆيدەو جاريالاعان، بۇل جەردە دە ۇناماعان قالاعا شاعىم ايتقانى كورسەتىلەدى.

بۇل ۆيدەو عالامتور پايدالانۋشىلاردىڭ اراسىندا تاراپ، قىزدىڭ جازعانىنا اشۋلانعان جەرگىلىكتى تۇرعىندار پوليتسياعا شاعىمدانادى.

كوپ ۇزاماي 26 جاستاعى فلورەنتسيا سيحومبين قالاعا ءتىل تيگىزىپ، شۋ تۋدىرعانى ءۇشىن ايىپتى دەپ تانىلىپ، قاماۋعا الىندى. قالالىق پوليتسيانىڭ باسپا ءسوز حاتشىسىنىڭ ايتۋىنا قاراعاندا، بويجەتكەننىڭ كىناسى دالەلدەنگەن جاعدايدا ول 6 جىلعا باس بوستاندىعىنان ايىرىلۋى مۇمكىن، دەپ جازادى شەتەلدىك ب ا ق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى