الماتى وبلىسىنىڭ جىلىجايلارىندا جىل باسىنان بەرى 6 مىڭ توننادان استام كوكونىس ءوندىرىلدى
«جىلىجايلاردىڭ جالپى اۋدانى 54 گەكتار، ونىڭ 38,6 سى الماتىنىڭ ماڭايداعى - ەڭبەكشى قازاق، جامبىل، ىلە، قاراساي، تالعار اۋداندارى مەن قاپشاعاي قالاسىندا»، - دەلىنگەن حابارلامادا.
جىلجايلاردىڭ 13 گەكتار القابى جوعارى تەحنولوگيالى جابدىقتارمەن جاراقتانعان. جىل باسىنان بەرى وسى جىلىجايدا 6103 توننا كوكونىس ءوندىرىلدى، ونىڭ 5310 تونناسى- اۋدانداردىڭ ۇلەسى».
حالىقتى كوكونىسپەن جانە جەمىستەرمەن قامتاماسىز ەتۋ ءۇشىن قازىرگى كەزدە 7,5 گەكتاردا تاعى ءۇش جىلىجاي: ەڭبەكشى قازاق اۋدانىنداعى «يۋرچەنكو» شارۋا قوجالىعىندا، قاپشاعاي قالاسىنداعى «گراند لاند اتالاۋ» ج ش س-دا جانە «LST ماركەت» ج ش س-دا سالىنىپ جاتىر، وبلىستىڭ كليماتتىق جاعدايلارى الماتى قالاسى ماڭىندا ازىق-تۇلىك بەلدەۋىن نىعايتۋ اۋقىمىندا جىلىجاي شارۋاشىلىقتارىن ءتيىمدى دامىتۋدى جالعاستىرۋعا مۇمكىندىك بەرەدى.
