پرەزيدەنت سايلاۋىنا 69 ۇمىتكەر تىركەلدى
فرانس پرەسس (AFP) اگەنتتىگىنىڭ حابارلاۋىنشا، ەنناحدا قوزعالىسى ۇسىنعان حالىق وكىلدەرى اسسامبلەياسىنىڭ ءبىرىنشى ۆيتسە-پرەزيدەنتى ابدەلفاتتاح مۋرۋ مەن «تۋنيس امان بولسىن» پارتياسىنىڭ اتىنان شىققان پرەمەر-مينيستر يۋسەف چاحەد كەشە تاڭەرتەڭ كانديداتۋراسىن بەكىتكەن.
چاحەد جۋرناليستەردىڭ الدىندا مالىمدەمە جاساپ، ۇكىمەتتەن كەتپەيتىنىن ايتتى. 71 جاستاعى مۋرۋ دا «ەلگە قىزمەت ەتۋ» نيەتىنەن قايتپايتىنىن ءبىلدىردى.
ەلدىڭ قورعانىس ءمينيسترى ابدەلكاريم زبيدي دە پرەزيدەنتتىكتەن ۇمىتكەر. ونى Nidaa Tounes پارتياسى قولداپ وتىر. زبيدي تۋنيستىڭ بۇرىنعى ليدەرى، مارقۇم بەدجي كايدا ەسسەبسيمەن ءجيى كەزدەسەتىن ءارى ونى كوپشىلىك سونىڭ ءىزباسارى دەپ اتاپ وتىر.
ەل باسقارۋدان ۇمىتكەر بولىپ وتىرعانداردىڭ اراسىندا بەلگىلى بيزنەسمەن ءارى باق قايراتكەرى نابيل كارۋي دە بار. ول قارجى جىمقىرۋدا ايىپتالسا دا، كەدەيلەردى قورعاۋعا ۋادە بەرىپ وتىر.
سايلاۋ الدىنداعى ۇگىت 2-13-قىركۇيەكتەرگە بەلگىلەنگەن. تىنىشتىق كۇنىنەن كەيىن سايلاۋشىلار 15- قىركۇيەكتە داۋىس بەرەدى. ال سايلاۋدىڭ ادىن الا ناتيجەلەرى 17- قىركۇيەكتە بەلگىلى بولۋى ءتيىس.
