ياكۋتيالىق 69 جاستاعى مۇگەدەك مارافونشى جەر شارىن اينالىپ جۇگىرۋگە بەل بۋدى

ول ءوز مارافونىن ريو- دە- جانەيروداعى وليمپيادا ويىندارىنا جانە 6 -شىلدەدە ياكۋتيادا اشىلعان «ازيا بالالارى» حالىقارالىق سپورت ويىندارىنا ارنايدى، دەپ حابارلادى ت ا س س.

التى ايعا سوزىلۋى مۇمكىن بۇل جاڭا مارافوندى ناۋموۆ ايەلى نينامەن بىرگە اتقارماق. «نينا ۆەلوسيپەدپەن جۇرەدى، ال مەن جۇگىرىپ شىعامىن»، دەيدى مارافونشى.

جوسپار بويىنشا، ۆلاديۆوستوكتان شىققان ەرلى- زايىپتىلار سيەل قالاسىنا (ا ق ش) ۇشىپ بارىپ، نيۋ- يورككە دەيىن جۇگىرۋدى باستايدى. نيۋ-يوركتان كەيىن ياكۋتيالىق جۇپ امستەردامعا ۇشاقپەن جەتىپ، نيدەرلاندى استاناسىنان كالينينگرادقا دەيىن جۇگىرەتىن بولادى.

بۇرىنىراق رەسەي تەاتر جانە كينو جۇلدىزدارى - دميتري مەرزليكين، پاۆەل دەرەۆيانكو، امادۋ ماماداكوۆ، اننا چۋرينا، الەكساندر روباك جانە باسقالارى ياكۋتيالىق سپورتشىنى قارجىلاي قولداۋعا اتسالىسقان بولاتىن.

ا ق ش اۋماعىنىڭ ءبىر جاعالاۋىنان ەكىنشى جاعالاۋىنا جۇگىرەتىن "فوررەست گامپ" فيلمىندە باستى ءرولدى سومداعان گولليۆۋدتىق اكتەر توم حەنكس تە ناۋموۆقا قولداۋ ءبىلدىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى