قىتايلىق اۋىر اتلەت ەرلەر اراسىندا 69 كەلى سالماقتا التىن مەدال جەڭىپ الدى

قىتايدان كەلگەن لياو حۋەي الەمدىك رەكورد جاڭارتىپ، ءبىرىنشى ورىن الدى. ول جالپى ەسەپتە 359 (166+193) كەلى سالماقتى ەڭسەردى. كۇمىس مەدال مىسىرلىق اتلەت مۇحامەد ماحمۇدقا بۇيىردى - 334 (152+182)، ال كورەي كيم مون حوك ءۇشىنشى ورىننان كورىندى. ول جالپى ەسەپتە - 305 كەلى سالماقتى ەڭسەردى (152+182). 18 جاستاعى قازاقستاندىق البەرت ليندەر بولسا جالپى ەسەپتە 305 (145+170) كەلى جيناپ، 10-ورىنعا تۇراقتادى.

ەسكە سالا كەتەيىك، اۋىر اتلەتيكادان الەم چەمپيوناتى 8- قاراشادا باستالعان ەدى. قازاقستاننىڭ اتىنان 15 سپورتشى قاتىسىپ جاتىر، ونىڭ ىشىندە وليمپيادا ويىندارىنىڭ ءۇش چەمپيونى بار - يليا يلين، مايا مانەزا جانە ءزۇلفيا چينشانلو. وسىعان دەيىن قازاقستان قۇراماسىنىڭ قورجىنىنا ءبىرىنشى التىندى الەمدىك رەكوردتى جاڭارتقان ءزۇلفيا چينشانلو الىپ بەرگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى