انشىلەر «69-دىڭ جىگىتتەرىنە» قارسى شىقتى - كەسكىن

«ستۋديا 69» دەپ اتالاتىن كلۋبتىڭ الدىنا جينالعان انشىلەر ۇياتسىز جارنامانى سىناپ، ءوز پىكىرلەرىن ءبىلدىردى.

كۇيشى- سازگەردىڭ ارىن توككەندەرگە قارسى وكتەم التايەۆ، ساكەن مايعازيەۆ، ماقسات راحمەت، اسىلحان تولەپوۆ، ارتۋر تولەپوۆ، ەرلان اليموۆ سياقتى انشىلەر جينالدى. جۋرناليستەردىڭ قويىلعان ساۋالدارىنا جاۋاپ بەرگەن ولار بۇل ءىستى زاڭ جۇزىندە قۇزىرلى ورگانداردىڭ تەز ارادا شەشۋىن تالاپ ەتىپ وتىر.

«الاش ۇلى» توبىنىڭ ءانشىسى ماقسات راحمەت بۇل اقپاراتتى ەستىگەن سوڭ Instagram جەلىسىندەگى پاراقشاسىندا بارلىق ءانشى- ورىنداۋشىلارعا قۇلاققاعىس ايتىپ، «ستۋديا 69» تۇنگى كلۋبىنىڭ الدىنا جينالۋعا شاقىرعان.

بويىندا جىنىستىق اۋىتقۋى بارلاردىڭ بۇل ارەكەتى الەۋمەتتىك جەلىلەردە سىنعا ۇشىرادى. دەسە دە قازاقتىڭ اتاقتى كۇيشىسى قۇرمانعازى ساعىرباي ۇلى مەن ورىستىڭ كلاسسيك اقىنى الەكساندر پۋشكيننىڭ مورالدىق نورماعا ساي ەمەس يلليۋستراتسياسى ينتەرنەت بەتىندە تارالىپ كەتكەن.

مۇنىمەن قاتار، انشىلەر الماتى قالالىق ىشكى ىستەر دەپارتامەنتىنە بارىپ، قوعام قايراتكەرلەرى مەن بەلسەندى جاستارمەن بىرىگىپ ارىز جازۋدا.

ەسكەرتە كەتەيىك، Red Jolbors Fest ورتا ازيا ەلدەرىنىڭ اراسىندا جارناما بويىنشا وتكەن بايقاۋدا ۇياتسىز سۋرەتتى شىعارعان كومپانيا جۇمىسى ءۇشىنشى ورىندى العان. بايقاۋدىڭ نەگىزگى ۇيىمداستىرۋشىلارى -  قىرعىز ماماندارى.

اۆتور: ارداق قۇلتاي

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى