بيىل قازاقستاندا ورماندار اۋماعىندا 694 ءورت ءسوندىرىلدى
قازاقستاندا 2020-جىلعى ءورت قاۋپى ماۋسىمى رەسمي تۇردە اياقتالدى. ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى تاراپىنان ءتيىستى بۇيرىق شىعارىلدى.
ايتا كەتەيىك، بيىل مەملەكەتتىك ورمان قورى اۋماعىندا جالپى اۋدانى 102135,7 گەكتار بولاتىن 694 ءورت بولدى، ونىڭ ىشىندە ورمان الاڭى - 41827 گەكتار، ورمانمەن كومكەرىلگەن اۋماق - 27618,8 گەكتار، ونىڭ ىشىندە جوعارعى ورمان - 3084,6 گەكتار، سونداي -اق ورمان ەمەس الاڭ - 60308,7 گەكتارعا جەتىپ، جالپى زالال 2,1 ميلليارد تەڭگە.
وتكەن جىلدىڭ دەڭگەيىمەن سالىستىرعاندا ورمان ورتتەرىنىڭ سانى 70 جاعدايعا ارتتى (2019 -جىلى - 624 جاعداي).
وبلىستىق اتقارۋشى ورگانداردىڭ جانە باسقا مەملەكەتتىك ورمان يەلەنۋشىلەردىڭ قاراماعىنداعى مەملەكەتتىك ورمان قورى اۋماعىندا جالپى الاڭى 56613,67 گەكتار جەردە ءورت بولدى.
اتاپ ايتقاندا 37350,11 گا ورماندى جەردە، ونىڭ ىشىندە 24704,2 گەكتار ورمانمەن كومكەرىلگەن اۋماقتا، ونىڭ ىشىندە جوعارعى 2005,51 گەكتار، ورمانسىز 19263,57 گەكتار القاپتا ورمان ورتتەرىنىڭ 389 وقيعاسى بولدى. ورمان ورتتەرىنەن كەلگەن نۇقسان 256413,7 مىڭ تەڭگەنى قۇرادى. سونداي-اق، ورمان شارۋاشىلىعى جانە جانۋارلار دۇنيەسى كوميتەتىنىڭ قاراماعىنداعى ورمانداردا جالپى اۋدانى 45521,99 گەكتار ورمان ورتتەرىنىڭ 305 جاعدايى ورىن الدى، ونىڭ ىشىندە ورمان - 4476,84 گەكتار، ورمانمەن جابىلعان - 2914,57 گەكتار، ونىڭ ىشىندە م ى ن ءى س - 1079,05 گەكتار، ورمان ەمەس الاڭ-41045,14 گەكتار.
زالال 1850226,4 مىڭ تەڭگە. جامبىل (41,8 مىڭ گەكتار)، قوستاناي (28,3 مىڭ گەكتار) جانە الماتى (10,4 مىڭ گەكتار) وبلىستارىنىڭ ورمان جانە تابيعات قورعاۋ مەكەمەلەرىنىڭ اۋماعىندا ۇلكەن الاڭداردا ورمان ورتتەرىنە جول بەرىلدى.
ايتا كەتەيىك، ەلىمىزدىڭ مەملەكەتتىك ورمان قورىنىڭ جالپى اۋدانى 30,0 ميلليون گەكتاردى قۇرايدى، ونىڭ ىشىندە كوميتەتتىڭ قاراماعىندا 32 ۆەدومستۆالىق باعىنىستى ۇيىم بار، ولارعا 7,4 ميلليون گەكتار مەملەكەتتىك ورمان قورىنىڭ الاڭى بەكىتىلگەن، بۇل رەسپۋبليكانىڭ مەملەكەتتىك ورمان قورىنىڭ جالپى اۋدانىنىڭ %24,6 - ىن قۇرايدى. وبلىس اكىمدىكتەرىنىڭ قاراماعىندا 120 ورمان شارۋاشىلىعى مەملەكەتتىك مەكەمەسى بار، ولارعا 22,5 ميلليون گەكتار نەمەسە جالپى اۋداننىڭ %74,7 قارايدى.
سونداي-اق ورمان ورتتەرىمەن كۇرەستە ءتيىمدى ءوزارا ءىس-قيمىل جاساۋ ءۇشىن مەملەكەتتىك ورمان يەلەنۋشىلەر وبلىس اكىمدىكتەرىنىڭ ورمان شارۋاشىلىعىنىڭ قۇرىلىمدىق بولىمشەلەرى، تابيعات قورعاۋ مەكەمەلەرى جانە ق ر توتەنشە جاعدايلار مينيسترلىگىنىڭ ۆەدومستۆولىق باعىنىستى ۇيىمدارى بويىنشا ءتيىستى جوسپارلار ازىرلەدى.
سونىمەن قاتار، ورمان ءورت ءسوندىرۋ قىزمەتتەرى ارنايى نۇسقاۋلىقتان ءوتتى. سونىنمەن قاتار «قاز اۆيا ورمان قورعاۋ» ر م ق ك شاعىن اۋداندارىندا ورمان ورتتەرىن دەر كەزىندە انىقتاۋ جانە جويۋ ءۇشىن ءبىرقاتار وبلىستا اۆياتسيامەن قاراۋىلداۋ جۇرگىزىلدى، جالپى ۇشۋ ۋاقىتى 7811 ساعاتتى قۇرادى.
«قازاقستان عارىش ساپارى» ا ق- مەن بىرلەسىپ ورتتەنگەن ورمان قورى الاڭدارىن عارىشتان مونيتورينگىلەۋ جۇزەگە اسىرىلدى.
