اقمولا وبلىسىندا اڭ اۋلاۋ ەرەجەسىن بۇزعان 68 ادام جاۋاپقا تارتىلدى
ۆەدومستۆونىڭ دەرەگى بويىنشا، وڭىردە قاڭتاردىڭ 15-25- ارالىعىندا «سايعاق» جەدەل الدىن الۋ شاراسى ءوتتى. شارانىڭ ماقساتى - زاڭسىز اڭشىلىق جانە تابيعاتتى قورعاۋ زاڭناماسىنىڭ بۇزىلۋىنىڭ جولىن كەسۋ.
«وڭىردە ارنايى قۇرىلعان جەدەل-ىزدەستىرۋ توبى جۇرگىزگەن رەيد كەزىندە تابيعاتتى قورعاۋ زاڭناماسىنىڭ بۇزىلۋى جانە تابيعاتتى زاڭسىز پايدالانۋمەن بايلانىستى ءبىرقاتار ارەكەتتەر انىقتالدى. وسىعان بايلانىستى ق ر ا ق ب ك 382- بابىنىڭ 1- بولىگى بويىنشا 68 ادامعا قاتىستى اكىمشىلىك حاتتاما تولتىرىلدى. بۇدان بولەك، 9 ادام بالىق اۋلاۋ ەرەجەسىن بۇزعانى ءۇشىن جاۋاپقا تارتىلدى. سونداي-اق، اڭشىلىق قارۋدى بىرگە الىپ ءجۇرۋ جانە تاسىمالداۋ ەرەجەسىنىڭ بۇزىلعانى دا انىقتالدى. ول ادامداردىڭ بارلىعى زاڭ الدىندا جاۋاپ بەرەدى»، - دەپ ءتۇسىندىردى اقمولا وبلىسىنىڭ پ د باسپا ءسوز حاتشىسى اسەم ابدراحمانوۆا.
جەدەل الدىن الۋ شاراسى بارىسىندا اقكول جانە ساندىقتاۋ اۋداندارى اۋماعىنداعى ورمانداردى اعاش كەسۋ سياقتى قىلمىستاردىڭ دا جولى كەسىلدى.
وسىعان دەيىن كوكشەتاۋ قالاسىنىڭ «Smart city» جۇيەسىنە كوشەتىنى تۋرالى جازعانبىز.
