قاماۋداعى 68 ادامنىڭ ولىمىنە كۇدىكتى پوليتسەيلەر ۇستالدى

بۇل جايلى ۆەنەسۋەلا باس پروكۋرورى تارەك ۋيليام سااب تۋيتتەردەگى پاراقشاسىندا ءمالىم ەتتى.

«كارابوبو شتاتى پوليتسياسىنىڭ بەس قىزمەتكەرىن ۇستاۋعا وردەر بەرىلدى. ولار جەرگىلىكتى پوليتسيا باسقارماسىنىڭ يزولياتورىندا 68 ازاماتتىڭ ولىمىنە اكەپ سوقتىرعان قايعىلى وقيعالارعا قاتىسى بار دەگەن كۇدىككە ىلىكتى. كۇدىكتىلەر ۇستالدى»، - دەپ جازدى باس پروكۋرور.

28 -ناۋرىز، سارسەنبى كۇنى ۆالەنسيا قالاسىنداعى جەرگىلىكتى پوليتسيا باسقارماسىنىڭ وقشاۋلاعىشىندا تارتىپسىزدىكتەر مەن ءورت بولىپ، سونىڭ سالدارىنان 68 ادام قازا تاپقان ەدى. وسى وقيعا جۇرتشىلىقتى قاتتى الاڭداتقان. قازىر تەرگەپ-تەكسەرۋلەر جۇرگىزىلىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى