ساقتاندىرۋ كومپانياسى جىلقىمەن سوقتىعىسقان كولىك يەسىنە 680 مىڭ تەڭگە تولەدى

جول اپاتى قاپشاعاي-باقاناس تاس جولىنىڭ 43 شاقىرىمىندا بولعان. كولىك ءبىر ءۇيىر جىلقىنىڭ ىشىنە كىرىپ كەتكەن.

«سوعىلۋ سالدارىنان ءبىراز جىلقى جارالانىپ، كولىككە مەحنيكالىق زاقىم كەلگەن. مالدىڭ يەسى وقيعا ورنىندا بولماعان. اتالعان كولىك جول اپاتىنان، ۇرلىقتان، ءورت پەن وزگە تۇلعالاردىڭ كەلتىرگەن زياندىعىنان ساقتاندىرىلعان. سوندىقتان كومپانيا 680000 تەڭگە كولەمىندە ساقتاندىرۋ تولەمىن تولەدى»، - دەدى كومپانيادان.

ايتا كەتۋ كەرەك، تاجىريبەدە مۇنداي وقيعا ءجيى كەزدەسەدى. كوپتەگەن ساقتاندىرۋ كومپانيالارى جىلقىمەن سوعىلۋدى ساقتاندىرۋ جاعدايىنا جاتقىزبايدى.

2015-جىلدىڭ باسىنان باستاپ قازاقستان ساقتاندىرۋ كومپانيالارى اۆتوكاسكو بويىنشا 2,7 ميلليارد تەڭگە تولەدى. بۇل وتكەن جىلعى كورسەتكىشپەن سالىستىرعاندا 21,7 پايىزعا ارتىق.

ەڭ ءىرى تولەم 1 كولىككە 3,4 ميلليون تەڭگەنى قۇرادى.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى