رەسەي 680 گە تارتا ۋكراين ساربازىن تۇتقىندادى
تۇتقىنداردى الماستىرۋ جونىندەگى ورتالىقتىڭ ديرەكتورى ۆلاديمير رۋباننىڭ ايتۋىنشا، ساربازداردىڭ 80 پايىزدايى دونەتسك وبلىسىنىڭ يلوۆايسك اۋدانىندا جۇزدەگەن ۋكراين سولداتى سەپاراتيستەر مەن رەسەيلىك اسكەري بولىمدەردىڭ قورشاۋىنا ءتۇسىپ قالعاندا تۇتقىنعا الىنعان.
مۇنىڭ الدىندا ۋكراينا ۇلتتىق قورعانىس جانە قاۋىپسىزدىك كەڭەسىنىڭ وكىلى اندرەي لىسەنكو «رەسەي قارۋلى كۇشتەرىنىڭ كاسىبي ارتيللەريستەرىنىڭ» اتقىلاۋى كۇشەيگەندىكتەن ۋكراين اسكەرى لۋگانسك اۋەجايىنان «ۇيىمداسقان تۇردە» شەگىنگەنىن حابارلاعان.
1- قىركۇيەكتە مينسكىدە ۋكراينا، رەسەي، ەۋروپاداعى قاۋىپسىزدىك جانە ىنتىماقتاستىق ۇيىمى مەن سەپاراتيستەر وكىلدەرى كەزدەسكەن. بەس ساعاتقا سوزىلعان كەلىسسوزدەر 5- قىركۇيەكتە قايتا جالعاسۋى ءتيىس.
«ازاتتىق»
