قازاقستاندىقتار بيىل 67 ەلگە ۆيزاسىز بارا الادى
ياعني الەمدەگى ءاربىر ءۇشىنشى ەلگە تۇرعىندارىمىز ەمىن- ەركىن كىرىپ- شىعا الادى. بۇل تۋرالى 31 ارنا حابارلايدى.
اتالمىش تىزىمدە گەرمانيا كوش باستاپ كەلەدى. بيىل الەمنىڭ 177 ەلى گەرمانيا ازاماتتارىنا ءوز ايماقتارىنا ۆيزاسىز كىرۋگە رۇقسات بەرگەن ەكەن. ەكىنشى ورىندا شۆەتسيا. ونىمەن 176 ەل ۆيزاسىز ءتارتىپ ورناتقان. ال ءۇشىنشى ورىندا فينليانديا، فرانسيا، يسپانيا، يتاليا جانە ۇلىبريتانيا مەملەكەتتەرى بار. بۇل ەلدەردىڭ ازاماتتارى 175 ەلگە ەركىن ساياحاتتاپ بارا الادى ەكەن.
قازاقستان ازاماتتارى بىلتىرعى جىلى 65 ەلگە ۆيزاسىز بارا السا، بيىل ولاردىڭ قاتارىنا تاعى 2 جاڭا مەملەكەت قوسىلعان. الايدا، 67 ەلدىڭ كەيبىرىندە ديپلوماتيالىق، قىزمەتتىك جانە تۋريستىك ساپارلار ناقتى بولىنگەن. سوندىقتان، كەز كەلگەن ازامات ۆيزاسىز ول ەلدەرگە بارا بەرە الادى دەۋگە كەلمەيدى.
