عاسىر كەلىسىم-شارتى: «سويۋز» زىمىراندارى وربيتاعا 675 ەۋروپالىق جەرسەرىكتى شىعارادى
ەگەر بۇل جوبا تابىستى ىسكە اسىرىلسا، كەلىسىم-شارت بويىنشا 2020-جىلدان كەيىن «سويۋزدىڭ» كەم دەگەندە تاعى بەس ۇشىرۋىن قاراستىرىپ وتىر.
«لوندوندا Arianespace (ەۆري، فرانسيا) جانە OneWeb (دجەرسي ارالى، ۇلى بريتانيا) كومپانيالارى 2017-2019-جىلدار ارالىعىندا 21 «سويۋز» زىمىران-تاسىعىشىن قولدانۋ ارقىلى OneWeb موبيلدىك سپۋتنيكتىك بايلانىس جۇيەسى عارىش اپپاراتتارىن ۇشىرۋ كەلىسىم-شارتىنا قول قويعانى تۋرالى جاريالادى»، - دەلىنگەن حابارلامادا.
بايقوڭىر مەن «باسقا رەسەيلىك عارىش ايلاقتارىنان» 15 ۇشىرۋدان كەم ەمەس ۇشىرۋلار جۇزەگە اسىرىلادى، دەپ جازادى ر ي ا نوۆوستي.
«جوبانىڭ تابىستى ىسكە اسىرىلۋى جاعدايىندا كەلىسىم-شارت 2020-جىلدان كەيىن «سويۋز» زىمىران-تاسىعىشىنىڭ كەم دەگەندە تاعى بەس ۇشىرۋىن قاراستىرىپ وتىر»، - دەپ قوسىپ ءوتتى رەسەي عارىشتا.
2017-جىلدىڭ سوڭىنا بەلگىلەنگەن كورسەتۋ ۇشىرۋىنا ارنالعان اپپاراتتاردى Airbus كورپوراتسياسىنىڭ تۋلۋزاداعى (فرانسيا) باس كاسىپورنى، ال قالعاندارىن فلوريداداعى (ا ق ش) وندىرىستىك الاڭدا OneWeb جانە Airbus شىعارادى.
