قازاقستان مەن قىتاي اراسىنداعى تاۋار اينالىمى التى ايدا 672 مىڭ توننانى قۇرادى

  دەپ حابارلايدى «قازاقپارات» ح ا ا ءتىلشىسى.

ما ينون مىرزانىڭ ايتۋىنشا، «قورعاس» ستانسياسى قىتايدىڭ «تسزينحە- ينين- قورعاس» تەمىرجولىن التىنكول باعىتىنداعى قازاقستاننىڭ تەمىرجول جەلىسىمەن بايلانىستىرادى. ستانسيانىڭ قۇرىلىسى 2012 -جىلى قولعا الىنعان جانە ول جىلىنا 15 ميلليون توننا جۇك وتكىزە الادى. العاشقىدا ستانسيانىڭ قۇرىلىسىنا بولىنگەن ينۆەستيتسيا كولەمى 1,93 ميلليارد يۋاندى قۇرادى. وسى كۇنى اتالمىش باعىت ارقىلى تاسىمالداناتىن جۇك كولەمى ارتا تۇسۋدە.

«2013-2016 -جىلدار ارالىعىندا حورگوس ستانساسى ارقىلى قازاقستان مەن قىتاي ەلدەرىنىڭ اراسىندا ەكسپورت پەن يمپورتتىڭ كولەمى 1,35 ميلليون تونناعا جەتتى. اعىمداعى جىلدىڭ ءبىرىنشى جارتىجىلدىعىندا بۇل كورسەتكىش 672 مىڭ توننانى قۇرادى. «ءبىر بەلدەۋ، ءبىر جول» باعدارلاماسىنىڭ ارقاسىندا قىتاي ەلىنىڭ ەۋروپامەن، ورتالىق ازيانىڭ بەس ەلىمەن ساۋدا- ەكونوميكالىق بايلانىسى نىعايا تۇسۋدە. ونىڭ ىشىندە قازاقستان رەسپۋبليكاسىنىڭ الار ورنى زور. ەكى ەل اراسىندا كولىكتىك لوگيستيكانى دامىتۋعا ەرەكشە كوڭىل بولىنۋدە»، دەدى ما ينون.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى