استانادا 672 جاس وتباسى باسپانالى بولادى

بىلتىر باعدارلاما اياسىندا «كەزەكتە تۇرعاندار مەن جاس وتباسىلارعا ارنالعان باسپانا قۇرىلىسى» باعىتى بويىنشا 6 تۇرعىن ءۇي كەشەنىن سالۋ قولعا الىندى.

ۇستىمىزدەگى جىلى قازان ايىندا 672 جاس وتباسى تىلەنديەۆ داڭعىلىنىڭ وڭتۇسىتىگىنە قاراي ورنالاسقان جالپى اۋدانى 27,2 مىڭ شارشى م. تۇرعىن ءۇي كەشەنىندە قونىس تويىن تويلايتىن بولادى.

سونىمەن قاتار، سارايشىق كوشەسىنىڭ وڭتۇستىگىندە جالپى اۋدانى 28,3 شارشى م. 430 پاتەرلىك تۇرعىن ءۇي تاپسىرىلادى. بۇل تۋرالى astana.kz سايتىنا استانا قالاسىنىڭ قۇرىلىس باسقارماسىنان حابارلادى.

قۇرىلىس باسقارماسى 2015-جىلى برۋسيلوۆسكي- يمانوۆ-جۇبانوۆ كوشەلەرىنىڭ اۋماعىندا ورنالاسقان 272 پاتەرلىك تۇرعىن ءۇي كەشەنىن، سونداي-اق، سارىبۇلاق وزەنىنىڭ بويىندا تىلەنديەۆ داڭعىلىنىڭ وڭتۇستىگىندە ورنالاسقان جالپى اۋدانى 14,6 مىڭ شارشى م. 295 پاتەرلىك جانە جانە جالپى اۋدانى 22,9 مىڭ شارشى م. 530 پاتەرلىك 2 تۇرعىن ءۇي كەشەنىن پايدالانۋعا بەرمەك.

ەسكە سالايىق، «قولجەتىمدى باسپانا-2020» باعدارلاماسى مەملەكەت باسشىسىنىڭ تاپسىرماسىمەن ازىرلەندى. ونىڭ باستى ماقساتى - قازاقستاندىقتاردى باسپانامەن قامتاماسىز ەتۋ.

2013-2020 ج ج باعدارلامانى ىسكە اسىرۋ بارىسىندا 63 ميلليون شارشى م. جاڭا باسپانا پايدالانۋعا بەرىلدى، 1 ميلليونعا جۋىق وتباسىنىڭ تۇرعىن ءۇي جاعدايى جاقسارادى، قايتالاما نارىقتا 35 ميلليون شارشى م. جاڭعىرتىلادى.

اقپارات كوزى: baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى