سولتۇسىك قازاقستاندا 670 مىڭ گەگتار جەر مەملەكەت مەنشىگىنە قايتارىلدى
پەتروپاۆلدا وڭىرلىك كوممۋنيكاتسيالار قىزمەتىندە س ق و اكىمىنىڭ ءبىرىنشى ورىنباسارى مارات تاسماعانبەتوۆتىڭ قاتىسۋىمەن بريفينگ ءوتتى. اۋىل شارۋاشىلىعى سالاسىنىڭ قازىرگى جاي-كۇيى اڭگىمە بولعان كەزدەسۋدە يگەرىلمەي بوس جاتقان القاپتار ماسەلەسى كوتەرىلدى.
س ق و- نىڭ قازىرگى جەر اۋماعى 9,8 ميلليون گەگتار بولسا، ونىڭ 7,2 ميلليون گەگتار اۋىل شارۋاشىلىعىندا قولدانىلادى. سونىڭ 5 ميلليون گەگتار جۋىعى ەگىس القاپتارى، قالعان 2 ميلليون گەگتار جۋىعى جايىلىمدىق جەرلەر.
جەردى ءتيىمدى پايدالانۋ ماقساتىندا سوڭعى ءتورت جىلدا شارۋاشىلىقتاردان يگەرىلمەي جاتقان 670 مىڭ گەگتار ءماجبۇرلى تۇردە مەملەكەتكە قايتارىلدى. بۇل - 101 شارۋاشىلىقتىڭ القابى. ماسەلەن، تەك تايىنشا اۋدانىنداعى «بوگۆي» ج ش س- نەن عانا 37 مىڭ گەگتار جەر الىنعان.
«سوت ارقىلى اۋماعى 11 مىڭ گەكتاردى قۇرايتىن 61 ۋچاسكە مەملەكەتكە قايتارىلدى. تاعى 480 مىڭ گەكتار القاپتى قايتارۋ بويىنشا جۇمىستار جۇرگىزىلىپ جاتىر. اۋىل شارۋاشىلىعى مينيسترلىگىنىڭ باستاماسىمەن وسى ماسەلەگە قاتىستى جاڭا زاڭ جوباسى ازىرلەندى. بوس جاتقان القاپ انىقتالاتىن بولسا بۇرىنعىداي ەكى جىلدى كۇتۋدىڭ قاجەتى جوق، جەر 1 جىلدىڭ كولەمىندە مەملەكەت مەنشىگىنە وتەدى. سونداي-اق شارۋاشىلىقتار وزدەرىنە سەنىپ تاپسىرىلعان القاپتاردى ءتيىمدى پايدالانباسا، ياعني از ءونىم الاتىن بولسا - مەملەكەتتىك سۋبسيديالاردان قاعىلادى»، - دەدى س ق و اكىمىنىڭ ءبىرىنشى ورىنباسارى مارات تاسماعانبەتوۆ.
س ق و جەر ينسپەكتسياسى باسقارماسى بيىل 300 دەن استام تەكسەرىس جۇرگىزىپ، جارتىسىنان استامىندا جەردىڭ تيىسىنشە يگەرىلمەي جاتقانىن انىقتادى. ناتيجەسىندە بەس مىڭنان استام گەگتار اۋىلشارۋاشىلىق جەرى كەلىسىمشارتتاردى بۇزۋ ارقىلى، 10 مىڭنان استام گا سوت ارقىلى مەملەكەت مەنشىگىنە قايتارىلدى. بۇل جۇمىستار الداعى جىلى جالعاسىن تاپپاق.
