زاڭداستىرىلعان شەتەلدىك كولىكتىڭ 66 پايىزى رەسەيدەن اكەلىنگەن

«ىشكى ىستەر مينيسترلىگى ەلىمىزگە 2022 -جىلعى 1- قىركۇيەككە دەيىن اكەلىنگەن شەتەلدىك اۆتوكولىكتەردى زاڭداستىرۋعا وتىنىمدەر قابىلدادى. وتىنىمدەردى ۋاقتىلى بەرگەن، الايدا اۆتوكولىكتەرىن زاڭداستىرىپ ۇلگەرمەگەن قازاقستان ازاماتتارىنا بەلىگلەنگەن مەرزىمنەن كەيىن زاڭداستىرۋعا مۇمكىندىك بەرىلىپ وتىر.

ءى ءى م زاڭداستىرۋ كەزىندە جولداۋدا بەلگىلەنگەن تالاپتاردى باسشىلىققا الىنعان اتاپ وتكىم كەلەدى»، - دەدى ول ورتالىق كوممۋنيكاتسيالار قىزمەتىندە وتكەن بريفينگىدە.

ونىڭ ايتۋىنشا، زاڭداستىرۋعا:

-2022 -جىلعى 1-قىركۇيەككە دەيىن اكەلىنگەن اۆتوكولىكتەر؛

- قىلمىستىق ىزدەۋدە بولماعان اۆتوكولىكتەر؛

- كەدەندىك تازارتۋدان وتكەن اۆتوكولىكتەر جاتادى.

«سونىڭ ناتيجەسىندە 206 مىڭعا جۋىق شەتەلدىك اۆتوكولىك قازاقستاندىق ەسەپكە قويىلدى.

زاڭداسترىلىعنا اۆتوكولىكتەردىڭ باسىم كوپشىلىگى كەدەن وداعىنىڭ قۇرامىنداعى ءۇش ەلگە تيەسىلى. رەسەيدەن 136 مىڭنان استام، ارمەنيادان 37 مىڭنان استام اۆتوكولىك، قىرعىزستاننان 22 مىڭنان استام اۆتوكولىك زاڭداستىرىلدى.

وڭىرلەر اراسىندا زاڭداستىرىلعان اۆتوكولىكتەردىڭ ەڭ كوپ سانى بىلاي بولدى:

الماتى قالاسىندا - 26115، اقتوبە وبلىسىندا - 20876، شىمكەنت قالاسىندا - 15145، باتىس قازاقستان وبلىسىندا 14204، اتىراۋدا 14197، قىزىلوردا وبلىسىندا - 13695 اۆتكولىك»، - دەدى اكىمشىلىك پوليتسيا كوميتەتىنىڭ ءتوراعاسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى