ءتورت ايدا العاش رەت مۇناي باعاسى 66 دوللارعا دەيىن كوتەرىلدى
كۋشينگ، وكلاحوما تەرمينالىندا WTI مۇنايىنىڭ كولەمى ءبىر اپتادا 514 مىڭ باررەلگە تومەندەگەن، دەپ حابارلادى Bloomberg ا ق ش ەنەرگيا مينيسترلىگىنە سىلتەمە جاساپ.
بۇل رەتتە ەلدەگى قوردىڭ جالپى دەڭگەيى بولجانعان دەڭگەيدەن تومەن. امەريكاندىق بيلىكتىڭ دەرەكتەرىنە سۇيەنسەك، سوڭعى اپتادا مۇناي قويماسىنا 1,9 ميلليون باررەل قۇيىلدى. قوردىڭ جالپى كولەمى 490,9 ميلليونعا دەيىن ۇلعايدى. بۇل 1982 - جىلعى تامىزدا اقپارات جيناۋدى باستاعان ساتتەن باستاپ اپتالىق ەڭ كوپ دەڭگەي. الايدا تالداۋشىلار 3,3 ميلليون باررەل ءوسىمىن كۇتكەن.
اگەنتتىك ەگەر باعانىڭ ءوسۋىن سەزىنگەن مۇناي وندىرۋشىلەر جىلدام قارقىنمەن ءوندىرۋدى ۇلعايتسا، جاعدايدىڭ جاقسارۋى وتكىنشى بولاتىنىن اتاپ وتەدى. ا ق ش- تا مۇناي ءوندىرۋ 1930 - جىلداردان باستاپ ەڭ كوپ دەڭگەيدە ساقتالۋدا.
مۇشەلەرى الەمدەگى مۇنايدىڭ 40 پايىزىن نارىققا جەتكىزەتىن و پ ە ك ءوندىرۋ دەڭگەيىن تومەندەتۋدەن ازىرگە باس تارتۋدا. 12 جانە 13 - مامىردا رەسەي، مەكسيكا، وماننىڭ تەحنيكالىق ماماندارى و پ ە ك- تەگى ارىپتەستەرىمەن وسى ماسەلەنى تالقىعا سالماق، دەپ حابارلادى Bloomberg.
سەيسەنبىدە، 28 - ساۋىردە، رەسەي ەنەرگەتيكا ءمينيسترى الەكساندر نوۆاك 5 - ماۋسىمعا بەلگىلەنگەن كارتەلدىڭ جوسپارلى ءماجىلىسىنىڭ الدىندا و پ ە ك وكىلدەرىمەن كەزدەسەتىنىن مالىمدەدى.
«2-3 - ماۋسىمدا كەزدەسەمىن»، - دەدى ول جۋرناليستەرگە.
Commerzbank باعالاۋىنشا، كارتەل مۇشەلەرى باسقا مۇناي ءوندىرۋشى ەلدەرمەن ءوندىرۋدى بىرلەسىپ تومەندەتۋدى ۋاعدالاسۋ مۇمكىندىگى شەكتەۋلى.
