اباي وبلىسىندا ءبىر كۇندە جولدا قالعان 65 ادام قاۋىپسىز جەرگە كوشىرىلدى

وبلىس اكىمدىگىنىڭ مالىمەتىنە سۇيەنسەك، سوڭعى تاۋلىكتە اپاتتىق-قۇتقارۋ جۇمىستارى «وسكەمەن-قالباتاۋ»، «كوكپەكتى-بيعاش»، «سەمەي-الماتى»، «سەمەي-قاراۋىل»، «سەمەي-وسكەمەن»، «سەمەي-قاينار»، «قالباتاۋ-كوكپەكتى» تاسجولدارىنىڭ ۋچاسكەلەرىندە جۇرگىزىلدى.

«ىزدەستىرۋ-قۇتقارۋ جۇمىستارىنا اباي وبلىسى ت ج د جەكە قۇرامىنان 25 ادام جانە 7 تەحنيكا جۇمىلدىرىلعان. ءوڭىر بويىنشا بارلىعى جولدا قالعان 65 ادام ەۆاكۋاتسيالاندى، ونىڭ ىشىندە 6 بالا بار. قار قۇرساۋىندا قالعان 20 كولىك شىعارىلدى»، - دەلىنگەن اقپاراتتا.

اۆتوكولىك جولدارىنىڭ اشىلۋى مەن جابىلۋى تۋرالى اقپاراتتى 87015329558، 87016183231 «سەمەي جولدارى» ج ش س، وبلىستىق ماڭىزى بار جولدارعا قاتىستى) جانە 87232262808 («قازاۆتوجول ۇ ك» ا ق، رەسپۋبليكالىق ماڭىزى بار جولدارعا قاتىستى بىلۋگە بولادى. قانداي دا ءبىر قيىن جاعدايعا تاپ بولساڭىزدار «112» نومىرىنە قوڭىراۋ شالۋ قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى