ەلوردالىق تۇرعىننىڭ ءبىر تۇرعىن ءۇي كەشەنىندە 65 پاتەرى بارى انىقتالدى
كورسەتىلگەن تۇرعىن ۇيلەردى جالعا بەرۋ فاكتىسى تەكسەرىلۋدە. بۇل تۋرالى كەڭىرەك قازاقپارات تىلشىسىنە ق ر ق م مەملەكەتتىك كىرىستەر كوميتەتىنىڭ باقىلاۋ دەپارتامەنتى ديرەكتورىنىڭ مىندەتىن اتقارۋشى ءانۋار سۇلەيمەنوۆ ايتىپ بەردى.
مەملەكەتتىك كىرىستەر كوميتەتى كولەڭكەلى ەكونوميكاعا قارسى كۇرەس شەڭبەرىندە پاتەردى زاڭسىز جالعا بەرۋشىلەردى انىقتاۋ جۇمىستارىن جالعاستىرىپ جاتىر. ۆەدومستۆو قىزمەتكەرلەرى ءارتۇرلى مەملەكەتتىك اقپاراتتىق جۇيەلەردىڭ دەرەكتەرى مەن باسقا اقپارات كوزدەرىن پايدالانادى.
«بۇل پيك مالىمەتى، سانالى ازاماتتار مەن كورشىلەردەن تۇسكەن اقپارات بولۋى مۇمكىن»، - دەدى ءانۋار سۇلەيمەنوۆ.
الدىن الا جاسالعان قورىتىندى بويىنشا، ەلىمىزدە قازىرگى ۋاقىتتا 3 جانە ودان دا كوپ پاتەرگە مەنشىك قۇقىعى بار، الايدا دارا كاسىپكەر رەتىندە تىركەلمەگەن جانە ءتيىستى سالىقتار تولەمەگەن 20 مىڭنان استام تۇلعا انىقتالعان. ولاردىڭ اراسىندا 10 نان استام پاتەرگە مەنشىك قۇقىعى بار 150 تۇلعا بار، بۇدان باسقا ءبىر تۇلعانىڭ يەلىگىندە ءبىر تۇرعىن ءۇي كەشەنىندە 65 پاتەرى بارى انىقتالعان.
«جوعارىدا كەلتىرىلگەن دەرەكتەر جالعا بەرىلۋىنە ەگجەي-تەگجەيلى تالداۋ جۇرگىزىلەتىن قاشىقتىقتان مونيتورينگ جاساۋ ارقىلى الىندى. جالپى، 2019 -جىلدىڭ 5 اي ىشىندە جۇرگىزىلگەن جۇمىس ناتيجەلەرى بويىنشا دارا كاسىپكەر رەتىندە 7403 جەكە تۇلعا تىركەلگەن. بۇل بىلتىرعى جىلمەن سالىستىرعاندا %22 عا نەمەسە 1320 جەكە تۇلعاعا كوپ. سالىقتىق ءتۇسىم سوماسى %37 عا ءوستى جانە 7521000 تەڭگەنى قۇرايدى نەمەسە 19513000 تەڭگەگە كوپ»، - دەدى ول.
ءانۋار سۇلەيمەنوۆتىڭ ايتۋىنشا، جەكە تۇلعالاردىڭ دا، سونداي-اق زاڭدى تۇلعالاردىڭ دا دارا كاسىپكەر رەتىندە تىركەلمەستەن جىلجىمايتىن مۇلىكتى «جالعا» بەرۋگە قۇقىعى بار.
«2018 -جىلدىڭ باسىنان باستاپ پاتەنت نەگىزىندەگى سالىق رەجىمىن قولداناتىن دك ءۇشىن سالىق مولشەرلەمەسى، اتاپ ايتقاندا پاتەردى جالعا بەرۋشىلەر ءۇشىن %2 دان %1 عا دەيىن تومەندەدى. بيۋدجەتتى ەسەپتەۋدىڭ مۇنداي سحەماسى جالدامالى ەڭبەكتى پايدالانبايتىن جانە تابىسى جىلىنا 3528 ا ە ك-تەن اسپايتىن جەكە تۇلعالار ءۇشىن قولجەتىمدى. ماسەلەن، ەگەر جالعا بەرۋدەن تۇسەتىن تابىس ايىنا 100 مىڭ تەڭگەنى قۇراسا، تيىسىنشە، سالىق سوماسى 1000 تەڭگەنى قۇرايدى. ەگەر ءسىز بىرنەشە پاتەردى جالعا بەرسەڭىز جانە، مىسالى، پاتەردى جيناۋ ءۇشىن جالدامالى جۇمىسشىلارىڭىز بولسا، وندا ءسىز جەڭىلدەتىلگەن دەكلاراتسيانى قولدانا الاسىز. بۇل كەزدە سالىق مولشەرلەمەسى %3 قۇرايدى، تولەم جارتى جىلدا ءبىر رەت تابىستى الۋ فاكتىسى بويىنشا جۇرگىزىلەدى»، - دەدى ول.
